Ээчий садик Кош-Агашта ачылды

23.08.2022

Куран айдыҥ 18-чи кӱнинде Кош-Агаш аймактыҥ тӧс јуртында балдардыҥ «Ырысту» садигиниҥ кӧдӱриҥилӱ ачылтазы ӧткӧн.

Нацӱлекер аайынча тудулган объекттиҥ ачылтазында тергеениҥ башкараачызы мынайда айткан: «Садикти тудар иштер башка-башка шылтактардаҥ улам эки јылга улалган. Эмди бу сакылталу ла эл-јонго керектӱ объект табыштырылды. Бу микрорайондо балдардыҥ садтарына очередь јоголгон». Олег Хорохордин нацӱлекер аайынча 2360 бала јӱрер 21 садик тудуларын, Кош-Агашта тудулган садик 16-чы болгонын айткан. Быјыл јаҥы садик Улаганда ачылган, тоолу кӱндердеҥ Маймада база бирӱзи ачылар. Горно-Алтайскта, Кызыл-Ӧзӧктӧ, Шабалин ле Оҥдой аймактарда база тӧрт садик тудулат.
«Бис президент Владимир Владимирович Путинниҥ школдоҥ озо ӱредӱниҥ организацияларында јерлерле бастыра балдарды јеткилдезин деген јакылтазын бӱдӱредис. Ада-энелер болчомдоры педагогтордыҥ ајарузында болгонын билип, ӱредӱзин эмезе ижин улалтар аргалу болор» – деп, республиканыҥ башчызы айткан.
Кош-Агашта ачылган садикке 60 бала јӱрер. Анда ӱч группа – эки ясельный ла бир оогош – тӧзӧлгӧн. Ойноор ло уйуктаар кыптар, курсак азар, ажанар, кийим јунар ла ӧскӧ дӧ кыптар бар. Тышкары ойноор площадка балдардыҥ ӧзӱмине јарамыкту ойындарга ла спортло тазыктырынар керектӱ јазалдарла јеткилделген.
Кош-Агаш аймактыҥ јааны Серикжан Кыдырбаев тергеениҥ башкараачызына балдардыҥ садын тударына јетирген јӧмӧлтӧзи учун быйанын айткан. Ол бу садик тем алгадый садиктердиҥ бирӱзи болорына бӱткенин темдектеген. Кӧдӱриҥилӱ ачылтага келген улуска уткуулду сӧзин анайда ок Алтай Республиканыҥ депутады Ержанат Бегенов, болчомдордыҥ ада-энелери айткан. Алтай Республиканыҥ башчызыныҥ Быйанду самаралары «Тепло» МКУ-ныҥ директоры Владимир Каспинскийге ле «Ырысту» садиктиҥ котельныйыныҥ машинисти (кочегар) Талгат Сейтчановко табыштырылган.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.