В. Мутколо ишмекчи туштажу

30.08.2022

Тергеениҥ башкараачызы Олег Хорохордин куран айдыҥ 27-чи кӱнинде Дом.РФ деген государственный корпорацияныҥ директоры Виталий Мутко ло оныҥ ордынчызы Денис Филипповло ишмекчи туштажу ӧткӱрген.

Туштажуда эрмек-куучын Караколдыҥ кӧлдӧринде ар-бӱткендик парк тӧзӧӧри керегинде ӧткӧн. «Караколдыҥ кӧлдӧринде ар-бӱткендик парк тӧзӧӧри керегинде ӱлекерди РФ-тыҥ башкарузыныҥ председатели Михаил Мишустин Горно-Алтайскка окылу јол-јорыкла келип јӱрерде јӧмӧгӧн. Бӱгӱн бу ар-бӱткенниҥ аҥылу кереезине једетен јол јеткер јок јол эмес. Ол анайда ок экологиялык некелтелерге келишпей јат» – деп, Олег Хорохордин айткан. Тергеениҥ башчызыныҥ айтканыла, федерал тӧс јер бу ар-бӱткендик объектке јетире автојолды тударын јӧмӧгӧн. Эмди тура берген амаду – эл-јонло, эксперттерле кожо паркты тӧзӧӧриниҥ ле анда јердиҥ цивилизованный ӧзӱминиҥ оҥдомолыныҥ тӧс ууламјыларын чокумдап алары болуп јат.
Туштажуныҥ туружаачылары анайда ок Алтай Республикада ӱредӱчилерге ле врачтарга јадар јерлер тударын шӱӱшкен. Дом.РФ госкорпорацияныҥ специалисттери јадар јерлер, јонјӱрӱмдик учурлу инфраструктуралар тударында, калада јадарга эптӱ айалгалар тӧзӧӧринде јаан ченемелдӱ.
Корпорация бу ишке кирерге ле Алтай Республикага керектӱ јӧмӧлтӧни јетирерге белен. «Баштапкы бӧлӱкте куучын педагогический ле медицинский ишчилерге кӧп квартиралу эки тура тудары керегинде ӧдӧр. Мынызы биске бийик билгирлерлӱ ишчилерди јилбиркедип, тергееде артыргызар, анайда ок јадар јерлерле јеткилдеер сурактыҥ аайына чыгар арга берер» – деп, Олег Хорохордин айткан.
Алтай Республика ла Дом.РФ фонд ӧмӧ-јӧмӧ иштеери керегинде ӧдӱп јаткан јылдыҥ кичӱ изӱ айында Петербургтыҥ экономический форумында јӧптӧшкӧн. Ӧмӧ-јӧмӧ ишле колбой «Караколдыҥ кӧлдӧри» ар-бӱткендик парктыҥ јериниҥ бастырајандай шиҥжӱзин ӧткӱрери ле оныҥ ӧзӱминиҥ тӧс ууламјыларын чокумдаары темдектелет. Ол тоодо ар-бӱткендик-экологиялык айалганы шиҥдеери, јаан тудум иштер ӧткӱрерин кирелендирери, парктыҥ јериле транспортло, јойу јӱрерин тӧзӧӧри.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина