Москвадагы туштажудаҥ

27.09.2022

Тергеениҥ башкараачызы Олег Хорохордин Москвада Роспотребшиҥжӱниҥ јааны, РФ-тыҥ баш государственный санитарный врачы Анна Поповала туштажу ӧткӱрген.

Олор Алтай Республикада коронавирус југуш оорула колбой бӱгӱнги айалганы шӱӱшкен. Тергеениҥ башчызы республикада бу оорула оорып турган учуралдар калганчы неделелер туркунына астай бергенин айткан. Ӧткӧн неделеде 285 учурал болгон. Бу кӧргӱзӱ оноҥ озо неделедийине кӧрӧ эки катапка астаган. Ол тушта 565 учурал темдектелген. Олег Хорохордин уур дегедий учуралдардыҥ ас болгонын, кӧп лӧ сабазында јеҥил ле симптомдор јогынаҥ ӧдӱп турган «Омикрон» штамм темдектелгенин айткан.
«Тергееде эмдеер-профилактикалык учреждениелердиҥ, каргандардыҥ туралары-ныҥ, јеткилдештиҥ бӧлӱгиниҥ (саду, эл-јонды ашкарары, транспорт, МФЦ, банктар, почтаныҥ бӧлӱктери), јаҥныҥ ла јербойында башкарынарыныҥ органдарында граждандарла прием ӧткӱрер службалардыҥ ишчилерине, бу учреждениелерге келип турган улуска кыйалтазы јогынаҥ маска кийер ээжи тургузылган. Анайда ок санитарный, эпидемияны болдыртпас ээжилерди бӱдӱрерине, коронавирустаҥ вакцинация ла ревакцинация эдерине јаан ајару берилет. Мындый иштердиҥ шылтузында бу јоболло оорыыры астаган» – деп, республиканыҥ башчызы айткан. Оныҥ темдектегениле, прививка тургустырар кампания башталганынаҥ ала прививканы 150 муҥга јуук кижи алган. Олордоҥ 136 муҥ кижи вакцинацияны тӱгезип салган.
Туштажу ӧйинде Олег Хорохордин ле Анна Попова «Санитарный щит» деген ӱлекер аайынча тергееде иштер канайда ӧдӱп турганын база шӱӱшкен. Бу программа аайынча Алтай Республикада биологический јеткер болдыртпазыныҥ бийик кемдӱ јаҥы лабораторный комплекси тудулар. Мынызы југуш оорулардыҥ диагностиказын тӱрген ӧткӱрер арга берер. Анайда ок республиканыҥ ончо эл-јоны да бу јеткилдешле тузаланар. 1950-чи јылдардаҥ ала тергеебисте Роспотребшиҥжӱниҥ Алтайда чума ооруны болдыртпас станциязы иштейт. Ол эл-јонды чума, туляремия, холера, сибирский язва ла оноҥ до ӧскӧ оорулардаҥ корыырында турат. Бу организация југуш оорулардыҥ, ол тоодо чуманыҥ Кош-Агаш аймакта ар-бӱткендик очогында таркаарын болдыртпазы аайынча јаантайын јаан иштер ӧткӱрет.
Лабораториялардыҥ јаҥы комплекси јӱзӱн-јӱӱр оорулардыҥ таркаарыла оноҥ до једимдӱ тартыжар арга берер. Эмдиги ӧйдиҥ лабораторный диагностиказыла кажы ла кижи тузаланар аргалу болор. «Санитарный щит» деп адалган јаҥы системаныҥ тӧзӧлгӧзине санитарный врачтардыҥ јууган ченемели, эмдиги ӧйдиҥ билгирлери ле билим-технический једимдер салынган.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина