Келер ӧйдиҥ ӱредӱчизи Гран-при сыйлу!

22.11.2022

Горно-Алтайсктагы педагогикалык колледжтиҥ тӧртинчи курсыныҥ студенти Виктория Айграшева студенттердиҥ калыктар ортодогы профессионал устыҥ «Тӧрӧл тилле урок» деп IV конкурсыныҥ Гран-при сыйын алган. Конкурс педагогикалык колледжтердиҥ, институттардыҥ ла университеттердиҥ студенттери ортодо ӧткӱрилген.

Конкурс кӱчӱрген айдыҥ 15-18 кӱндеринде Улан-Удэ калада ӧткӧн. Ондо Россияныҥ 22 тергеезинеҥ, онойдо ок Монголиядаҥ ла Кыдаттаҥ 64 студент турушкан. Он кижидеҥ турган жюриге Бурятия Республиканыҥ, Кыдаттыҥ ла Монголияныҥ чыгартулу улузы, Москваныҥ кемнеҥ де камааны јок эки эксперти кирген.
Конкурста Виктория экинчи класстыҥ ӱренчиктерине алтай тилле «Јерлик ле культурный ӧзӱмдер» деп темалу урок берген, ада-энелерле «Оогош ӱренчикти каруулу болорына таскадары» деп суракла эрмек-куучын ӧткӱрериле таныштырган, ӱредӱчиниҥ «Алтайдыҥ Чолмоны – Звезда Алтая» деп адаган таҥынаҥ сайтын кӧргӱскен.
Бу конкурс тӧрӧл тилдиҥ келер ӧйдӧ иштейтен јайалталу ӱредӱчилерине бойыныҥ аҥылузын кӧргӱзер, педагогикада ла методикада табынтыларыла ӱлежер арга берген, кажы ла туружаачыныҥ профессияга јолында јаан учурлу керек болгон.
Викторияны јеҥӱзиле уткуйдыс, јаҥы једимдер ле ачылталу јолдор кӱӱнзейдис!

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.