«Чаҥкыр одыру» јаҥы јылдыҥ алдында

13.12.2022

Јаҥар айдыҥ 9-чы кӱнинде Майманыҥ база бир микрорайонына «чаҥкыр одыру» келди.

Майма јурттыҥ Јеҥӱниҥ 50 јылдыгыныҥ, Энергетиктердиҥ оромы ла Энергетиктердиҥ переулогында турган туралардыҥ ээлерине айыл-јуртын газла јеткилдеер арга келишти. Мында ӱч километрдеҥ узун газӧткӱш ӧткӱрилген.
Кӱчӱрген айдыҥ 24-чи кӱнинде Алтай Республиканыҥ башчызы, башкарузыныҥ председатели О. Л. Хорохординниҥ ӧткӱрген «Чике колбузына» бу микрорайондо јадып турган эпши чыккан, ол тураларды газла јеткилдеериниҥ сурагыныҥ аайы-бажына чыксын деп баштанган. Оныҥ айтканыла, оромныҥ бир кезек улузы «Газпромло» газификация аайынча јӧптӧжӱни туку ла качан тургузып салган, керектӱ јепселдер ӱзе алылган ла тургузылган, је сакылталу газ эмдиге јетире јок.
Бу баштануныҥ кийнинеҥ объект тудулганыныҥ ла табыштырылганыныҥ акты алылган, оныҥ кийнинеҥ керектӱ бир канча иштер учы-куйузына јеткен. Газ берилген.
Оромдо газла эҥ ле баштапкы јеткилделген тура Россия Федерацияныҥ педагогикалык ижиниҥ ветераны Нина Михайловна Боброваныҥ. Ӧскӧ улустыҥ туралары газла угузулар келген аайыла јеткилделер.
Тергеениҥ башчызыныҥ јакылтазы канайда бӱткенин кӧрӧргӧ, Нина Боброваныҥ айлына Майма аймактыҥ јааны Петр Громов ло Алтай Республикада «Газпром газораспределение Томск» ООО-ныҥ филиалыныҥ директоры Николай Кондратьев барып јӱрдилер.
Башчыныҥ «Чике колбузына» 400 кижи баштанган, олордоҥ 40 кире кижиниҥ сурактары эфир ле ӧйдӧ чечилген. Мында ла башчы газификацияныҥ айалгазы керегинде куучындаган. Оныҥ јетиргениле, 2008 јылдаҥ ала 2021 јылга јетире бистиҥ тергееде 660 километр газӧткӱш тудулган, 6,6 муҥ тура газла јеткилделген. 2025 јылга јетире Горно-Алтайсктыҥ 12 микрорайонында база да 12 муҥ турага ла Майма ла Чамал аймактардыҥ 13 јуртына газ ӧткӱрилер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина