Печатьтыҥ байрамы

17.01.2023

Чаган айдыҥ 13-чи кӱнинде Россияныҥ Печадиниҥ кӱнине учурлалган байрамдык кӧдӱриҥи АР-дыҥ башкарузыныҥ туразында ӧткӧн.

Текши јетирӱлер эдер эп-аргалардыҥ ишчилерине, бичик кепке базып чыгараачыларга, полиграфисттерге Алтай Республиканыҥ Эл Курултайыныҥ председатели Артур Кохоев уткуулду сӧзиле баштанды. Республикан СМИ-лердиҥ, аймактардыҥ газеттериниҥ, медиа јондыктардыҥ, ЦУР-дыҥ ла пресс-службалардыҥ ишчилерине, анайда ок узак јылдардыҥ туркунына ак-чек иштеген ле бастыра бойын ижине беринген ветерандарга ол быйанын айтты. «Бу бар јаҥжыгуларды ла байлык ченемелди чеберлеп алары – келер ӱйениҥ амадузы» – деп, спикер темдектеди.
Алтай Республиканыҥ башкарузыныҥ председателиниҥ ордынчызы Динара Култуева печатьтыҥ ишчилерин уткуп, ӧткӧн јылда «Алтайдыҥ Чолмоны», «Звезда Алтая» республикан газеттер, Горно-Алтайсктыҥ типографиязы бойлорыныҥ 100 јылдыктарын темдектегенин эзетти.
Бӱгӱнги кӱнде јетирӱлик эп-аргалар республикан ла аймактардыҥ газеттериле, телекӧрӱлтеле, радиоло, интернет-СМИ-ле элбек деп темдектеп, печатьтыҥ ишчилерине бек су-кадык, јайаандык једимдер ле бийик рейтингтер кӱӱнзеди.
Јуулган улуска уткуулду сӧзин анайда ок Алтай Республиканыҥ ветерандарыныҥ совединиҥ председатели, Журналисттер биригӱзиниҥ јааны Борис Алушкин айткан. Ол сӧзинде Горно-Алтайсктагы типографияга јӧмӧлтӧ-болуш јетирер, ижин эрчимдедер деген кӱӱнземелин айтты.
Кӧдӱриҥиде журналистиканыҥ ӧзӱмине јаан јӧмӧлтӧзин јетирген ле ак-чек ижи учун «Алтайдыҥ Чолмоны» газеттиҥ каруулу качызы Артур Сулуков ло чӱмдӱ бичик кепке базар «Алтын-Туу» байзыҥ-јурттыҥ башкараачызы Татьяна Туденева «За заслуги перед Отечеством» 2-чи степеньдӱ орденниҥ медальдарыла кайралдаттылар. РФ-тыҥ культуразыныҥ кӱндӱлӱ ишчизи, АР-дыҥ нерелӱ журналисти, «Алтайдыҥ Чолмоны» газеттиҥ јондык бӧлӱгиниҥ редакторы Арутай Адаров «Алтай Республиканыҥ кӱндӱлӱ кижизи» деп тоомјылу атла адатты.
Россияныҥ цифровой ӧзӱм, связь ла коммуникациялар аайынча министерствозыныҥ Кӱндӱлӱ грамотазыла «Алтайдыҥ Чолмоны» газеттиҥ корректоры Алтынай Толкочокова кайралдаткан.
Эл Курултайдыҥ јасакчы ижин эл-јонго бастырајандай ла чындык кӧргӱзери јанынаҥ республикан, каланыҥ ла аймактардыҥ газеттериниҥ ле телерадиокомпаниялардыҥ журналисттери ортодо јылдыҥ сайын ӧткӱрген конкурстыҥ турулталарыла «Спикердиҥ таҥынаҥ сыйы» «Эл Алтай» ГТРК-ныҥ монтажеры Анастасия Богдановага ла јетирӱлик программаларды ӧткӱреечи Владимир Виноградовко; «Кан-Чарас» газеттиҥ ӧмӧлигине, «Звезда Алтая» газеттиҥ каруулу качызы Наталья Котенкого; «Алтайдыҥ Чолмоны» газеттиҥ корреспонденти Кырчын Яшевке табыштырылган.
Анайда ок ӧскӧ дӧ журналисттер Кӱндӱлӱ грамоталарла самараларла, кайралдаткан.

Виктория БАДАКИНА
Евгений Бутушевтиҥ фотојуругы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым