Туулу Алтайда туулык чанала маргаандар

31.01.2023

Спорттыҥ бу бӱдӱмиле Россияныҥ Кубогы экинчи катап Алтай Республикада ӧдӱп јат.

Чаган айдыҥ 28-чи кӱнинде оныҥ окылу ачылтазында тергеениҥ башчызы Олег Хорохордин турушкан.
Россияныҥ Кубогынаҥ озо эки кӱнниҥ туркунына «Манжерок» курорттыҥ кубогына албатылар ортодо маргаандар ӧткӧн.

«Стартка Россияныҥ башка-башка толуктарынаҥ 200-теҥ кӧп спортчылар чыккан. Олор ортодо ороонныҥ эҥ артык туу-чаначылары, Олимпий ойындардыҥ ла Универсиадалардыҥ туружаачылары, Телекейдиҥ ле Европаныҥ кубогыныҥ этаптарыныҥ призерлоры. Албатылар ортодо Кубокто Аргентина, Сербия, Белоруссия, Казахстан ороондордоҥ спортчылар туружат» – деп, башчы чокумдаган.

Оныҥ темдектегениле, спортчылар Россияныҥ эҥ јараш сууларыныҥ бирӱзиниҥ адыла адалган «Катунь» деген чаналык трассала таныжып, баалап ийген. Бу маргаандар кажы ла туружаачыныҥ санаазында најылыктыҥ, спорттыҥ, су-кадыктыҥ байрамы болуп артарында алаҥзыбай турганын айткан.

«Туулу Алтайдыҥ јараш ар-бӱткени спортчыларга эҥ артык турулталарга једерге болушсын» – деп, ол кӱӱнземелин айтты.
Россия Федерацияныҥ Туу-чаналык спортыныҥ федерациязыныҥ вице-президенти Валерий Цыганов маргаанныҥ туружаачыларын уткуп, олорго ырыс, спорттыҥ байрамы јараш ла мӧрлӱ болзын деп айтты.

«Манжерок» ООО-ныҥ директорлоры-ныҥ совединиҥ председатели Иван Морозов курорт маргаандарга белетенгени керегинде куучындап, ондо бар инфраструктураныҥ чаначы-спортчыларга учурлузын темдектеди. Оныҥ айтканыла, бӱгӱнги кӱнде курортто узуны 22 км туу-чаналык трассалар, ӱч канатту јол бар.
Керек-јарак кеминде «Манжерок» курорттыҥ кубогыла албатылар ортодо маргаандардыҥ јеҥӱчилдери ле призерлоры кайралдаткан.

Маргаандарга берилген «Катунь» тра-ссаныҥ узуны 2 км, бийиктериниҥ башкаланганы 900 м. Трасса мындый кеминде маргаандар ӧткӱрер ончо ээжи-некелтелерге келижет. Маргаанныҥ ончо туружаачылары – професионал кемдӱ белетеништӱ спортчылар. Олор слалом ло слалом-гигант ууламјыларда маргыжат.

Бу ла ууламјылар аайынча Россияныҥ Кубогыныҥ этаптары 2022 јылдыҥ база ла чаган-кочкор айларында Алтай Республикада ӧткӧн. Ол тергееде совет ӧйдӧҥ ала ороон кеминдеги баштапкы маргаандар болгон. Онойып, Манжерок Россияныҥ Кубогыныҥ этаптары ӧдӧр јер болуп, јарлу ӧскӧ дӧ туу-чаналык курорттор чылап, јаҥжыгып барат.
Россияныҥ кубогыныҥ этаптарыныҥ чике трансляциязын Россияныҥ туу-чаналык спорттыҥ федерациязыныҥ ВКонтакте бӱгинеҥ ле Ю-Туб-каналынаҥ кӧрӧр арга бар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина