Јуучылдарга алты кӧлӱк аткарылар

07.04.2023

Алтай Республикадаҥ барып, аҥылу јуучыл операцияда туружып турган јуучылдарга кӧлӱктер аткарарына учурлалган керек-јаракта АР-дыҥ башчызы Олег Хорохордин турушкан.

«Автопоезд» деп текшироссиялык акцияныҥ кеминде бу керек-јарак Горно-Алтайскта Јеҥӱниҥ паркында ӧткӧн. Јуучылдарга УАЗ таҥмалу беш кӧлӱк ле «Нива» таҥмалу бир кӧлӱк автотранспорттыҥ техникалык белетежи ӧткӱрилген соҥында аткарылар.

Тергеениҥ башкараачызыныҥ темдектегениле, улус Албаты фронтыныҥ аҥылу јуучыл операцияныҥ туружаачыларына коомой јолдорло јӱрер аргалу кӧлӱктер аткарары јанынаҥ «Автопоезд» деп јаҥы акциязын эрчимдӱ јӧмӧгӧн.

«Аҥылу быйан — Горно-Алтайскта јадып турган пенсионерлер Татьяна Ивановна Мананковага ла Александр Захарович Болговко. Олор бойыныҥ кӧлӱгин јуучылдарга сыйлап берген. Анайда ок јуучылдарга аткарарына ӱч кӧлӱкти Майма аймактыҥ администрациязы ла коррекционный школ-интернат берген. Бир кӧлӱкти «Автопоезд» акция ӧдӧр тушта јуулган акчала садып алган» — деп, башчы айткан.

Тергеениҥ эл-јоны јуучылдарды бастырајандай јӧмӧп турганын темдектеер керек: аҥылу јуучыл операция ӧдӱп турган јердӧӧн 80 тоннадаҥ кӧп гуманитар болуш аткарылган. Ол јакшынак баштаҥкайды јӧмӧп турган улустыҥ тоозы там ла кӧптӧйт, бу иш-керек улалганча. «Бистиҥ јуучылдар јуу-согуштыҥ јеринде болуп тура, тӧрӧл јери олорды јӧмӧп турганын сескилейт, олорды кем де ундыбаганын ла олор јеҥӱлӱ, эзен-амыр јанарын сакып турганын билер. Текши јеҥӱге јӧмӧлтӧ эдип турганыгар учун јаан быйан!» — деген.

АР-дыҥ Эл Курултайыныҥ председателиниҥ ордынчызы Герман Чепкин акцияныҥ туружаачыларына тӧрӧлчи кӱӱн-санаазы учун быйан айткан: «Бу кӧлӱктер бистиҥ јуучылдарыска керектӱ. Олор аҥылу јуучыл јакаруны бӱгӱн једимдӱ бӱдӱрет, бистиҥ государствоныҥ јилбӱлерин корыйт. Олордыҥ бастыразына Тӧрӧлине эзен-амыр јанып келзин деп кӱӱнзейдим, биске олорго мынаҥ да ары болужар керек. Бу акцияныҥ бастыра туружаачыларына быйан айдып турум».

«Майма аймак» муниципал тӧзӧлмӧниҥ јааны Петр Громов аймактыҥ автотранспортты аҥылу јуучыл операция ӧдӱп турган јердӧӧн белетееринде турушкан бастыра улузына ла организациялардыҥ ишчилерине быйан сӧзин айткан: «Амыраш-отпускка келген бистиҥ јуучылдарыс Јеҥӱниҥ паркында болуп јаткан бӱгӱнги керек-јаракта база туружат. Келишкен учуралды тузаланып, олорго ат-нерези учун јаан быйанымды айдып турум. Олордыҥ бистиҥ Тӧрӧлисти, бала-баркабысты, бистиҥ ороонныҥ келер ӧйин корулап јаткан ат-нерелӱ керегин кандый да кемјӱле кемјиир арга јок».

Татьяна Мананкова олор сыйлап берген кӧлӱк јуучылдарга јеҥӱни јууктадарына болужын јетирерине алаҥзыбай турганын угускан.

Анайда ок кӧдӱриҥиниҥ туружаачыларына Алтай Республикадаҥ јуучылдыҥ энези Ольга Ленкина база баштанган: «Слер бистиҥ адаларыстыҥ ла таадаларыстыҥ ат-нерези ошкош ат-нерелӱ керек эдип јадыгар. Слер — бӱгӱнги ӧйдиҥ геройлоры, бистиҥ куйак ла коручылдар. Слер — јаш ӱйеге јакшы јозок, јӱрӱмде чындык болорын кӧргӱзедигер. Кайда чындык — анда Јеҥӱ. Слер бистиҥ Тӧрӧлистиҥ гран-кыйуларын једимдӱ корыырына бис быжу бӱдедис. Бис дезе слерге јаантайын болужарыс, јӧмӧӧрис. Слерле оморкойдыс ла јеҥӱлӱ јанып келеригерди сакыйдыс».

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина