Јалтанбазы учун кайралдаткан

16.05.2023

Горно-Алтайск каланыҥ 7-чи таҥмалу школыныҥ ӱренчиктери Владислав Суйманаковко ло Ойгор Аспановко баланы јеткердеҥ аргадап алганы учун быйанду самаралар табыштырылган.

Россияныҥ МЧС-ыныҥ Алтай Республика аайынча баш башкартузыныҥ јааныныҥ баштапкы ордынчызы Александр Романов 10-чы класстыҥ уулдарыныҥ колдорынаҥ бек тудуп, олорды кайралдаган. Сууда чӧҥӱп јаткан оогош јерлежин аргадаарга бир алаҥзу јогынаҥ барганы бу јииттердиҥ јалтанбазын ла килеҥкей кӱӱнин кӧргӱзет.

Бу чочыдулу керек быјыл кочкор айдыҥ 22-чи кӱнинде болгон. Уулдар «Спартак» стадионныҥ јанында сууныҥ јарадыла меҥдебестеҥ барып јаткан. Бир канча ӧйдӧҥ олор тошко чыгарга јазанып алган кызычакты кӧрӱп, «Ары барба, ондо јеткерлӱ!» деп кыйгырган. Је баланыҥ јанында кандый да ӱй кижини кӧрӱп, оны энези деп санангандар. Ол балазын кӧрӱп турган, ӱзе кем-јок деп бодогондор.

Уулдардыҥ айтканын керекке албай, кызычак тошло ол јараттӧӧн ууланган. Кайра келип јадарда, јука тош оодылала, бала сууга тӱже берген. Кызычактыҥ кыйгырып турганын уулдар угуп, бир де ӧй јылыйтпай, болушка јӱгӱргендер.

Чӧҥӱп јаткан кызычакты јаратка чыгарып, Владислав ого бойыныҥ куртказын кийдирген. Энези деп бодогон эпши тегин ле туура кижи болуп калган. Ол баланы јылу јерге апарар керек деп айткан. Кӧрӧр болзо, бу кызычак база 7-чи таҥмалу школдыҥ ӱренчиги эмтир. Тӧрӧӧндӧрин канайда табарын угуп, уулдар олорло колбуга чыккан. Онойып, аказы келип, сыйнын айлына апарган.

Уулдар бойлорын ат-нерелӱ керек эткен деп бир де сананбай турганын айттылар. Олордыҥ шӱӱлтезиле, мындый айалгада болушка кажы ла кижи келер учурлу.

Балдарды сууларга јаҥыскандыра, јаан улус јогынаҥ божотпогор. Олорго экстренный службалардыҥ телефондоры керегинде айдып туругар. Кандый бир чочыдулу айалгага кирген бала олорго телефон согуп, специалисттердеҥ нени эдери керегинде чокум јартамалдар алар аргалу болор. Бу телефондордыҥ тооломы айылда кӧрӱнер јерде јадар учурлу. Олорды эске ӱренип алза, оноҥ артык: аргадаачылдардыҥ службазы – «01», «101», сотовый телефонноҥ дезе «112» бирлик номерге телефондоор керек.

Россияныҥ МЧС-ыныҥ АР аайынча башкартузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина