Јаан телекейге јолыгар ачык болзын!

27.06.2023

Кичӱ изӱ айдыҥ 23-чи кӱнинде Горно-Алтайсктыҥ тӧрӧл школыла эзендежип, јаан телекейдиҥ јолына, јаҥы алтамдарга ууланган јииттерине учурлалган кӧдӱриҥи ӧтти.

Былтыргы јылда 615 ӱренчиктеҥ 36 бала школды алтын медальла божоткон болзо, быјыл 569-таҥ 29 бала медалист болуп чыкты. Мындый једимдерге јеткени ол кажы ла баланыҥ, ӱредӱчиниҥ ле ада-энениҥ узак јылдарга ӧмӧ-јӧмӧ эрчимдӱ иштегени деп айдар керек.

АР-дыҥ башчызы Олег Хорохордин јуулгандарга мынайда айтты: «Школды божотконы – ол ӱренчиктердиҥ канча јылдарга ӱредӱчилериле, ада-энелериле ӧдӱп келген јолы. Педагогтордыҥ јана баспас, турумкай ижи учун мен олорды сӱрекей тооп јадым. Слер јииттерге јаҥыс ла санаа-укаа берип турган эмезигер, онойдо ок келер јӱрӱминде тайанатан тӧзӧгӧ берип јадыгар».

Онойдо ок ол выпускниктердиҥ ада-энелерине быйанын айтты: «Бистиҥ тергееде «Алтын медалист» деп ат адаткан балдарлу билелер бар. Бӱгӱн бис Быйанду самарала Кристина Белееваныҥ ада-энезин – Леон Степановичти ле Байсура Павловнаны темдектеп јадыс. Кош-Агаш ла Кан-Оозы аймактарда медалисттердиҥ ада-энелерин мениҥ адымнаҥ муниципалитеттиҥ јаандары уткуп салар».

Олег Хорохордин выпускниктерге уур-кӱчтердеҥ коркыбай, јаан јӱрӱмге јалтанбай алтазын деп кӱӱнзеп, эрчимдӱ выпускниктерге «Ӱредӱде аҥылу једимдери учун» деп медальдар табыштырды.

Онойдо ок Эл Курултайдыҥ туризм, аргачылык, спорт ло јашӧскӱрим политика аайынча комитединиҥ јааны Сергей Тимошенский, АР-дыҥ ӱредӱ ле билим аайынча министри Ольга Саврасова, Горно-Алтайсктыҥ мэри Ольга Сафронова база уткуулду сӧстӧрин айдып, школды божоткондорго ичкери јолдо амадаган санааларын кичееп, бийик једимдерге јетсин деп кӱӱнзедилер.

Спортто ло јайаандыкта школ, кала, республика кеминде бийик једимдерге јеткени учун јииттер кӱндӱлӱ грамоталарла, сыйларла кайралдаттылар.
2023 јылдыҥ выпускниктериниҥ адынаҥ Виктория Руднева, Денис Курумчин ле Анжелика Очинакова сӧс айдып, шарларла кееркедилген вымпелди теҥериге божоттылар. Онызы јииттердиҥ келер јолында ижемјилериниҥ ле амадуларыныҥ бӱдер темдеги.

Сценадаҥ окылу улустыҥ, ӱредӱчилердиҥ, ада-энелердиҥ, ӱренчиктердиҥ сӧстӧри айдылган, школ керегинде кожоҥдор кожоҥдолгон. Эмди кӧдӱриҥиниҥ эҥ јараш, сӱрлӱ бӧлӱги – ол вальс. Јииттердиҥ јаркынду биједе айланып турганын кӧрӱп, олордыҥ экпинине алдыртып, кожо кӧӧрӧй дӧ берериҥ. Ӧйдиҥ ӧдӱжин де кайкап каларыҥ: кече ле баштамы класска келген болчомдор, бӱгӱн дезе – јаан улус. Бу сӱрекей ӧкпӧӧриштӱ ле кӧдӱриҥилӱ айалга.

Тоолу јылдардаҥ бу јииттер бийик ӱредӱ алып, тӧрӧл јерине јанып, Алтайыныҥ чындык уулдары, кыстары болор деп иженип, јаан телекейге јолдоры ачык болзын деп кӱӱнзейли!

Эрелдей Телесов
Евгений Бутушевтиҥ фотојуруктары

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина