«Јылуны сыйлайдым»

24.11.2023

Шак ла мынайда адалган акция Майма јуртта ӧтти. Алтай Республикадагы балдардыҥ тап-эриктери аайынча чыдулу кижизи Н. Ч. Манзырованыҥ баштаҥкайын АР-дыҥ ӱредӱлик ле билим аайынча министерствозы, Майма аймактыҥ администрациязы ла АР-дыҥ МВД-зыныҥ јажы эр кемине јеткелек балдарла иштеер бӧлӱгиниҥ ишчилери јӧмӧгӧн.

«Албатылар кӧп — Тӧрӧлис јаҥыс» деп адалган кычырула ӧткӧн акцияда јииттерле орооныстыҥ учурлу байрам кӱндери, албатылардыҥ чӱм-јаҥдары, государстволык окылу темдектер керегинде эрмек-куучындар ӧткӱрилди. Балдардыҥ тап-эриктери аайынча чыдулу кижиниҥ айтканыла, келер ӧйи ырысту, јараш болзын деп, балдар јаантайын јакшыга јӱткиир керек, бойына бӱдӱп, спортло тазыктырынып, јайаандык јайалталарын ӧскӱрер учурлу.

Анайда ок Майма аймактыҥ јааныныҥ ордынчызы Ольга Абрамовала кожо ӧмӧ-јӧмӧ иштеер ӱлекерлер шӱӱжилген. Ольга Юрьевна јажы эр кемине јеткелек балдарла иштеер организацияларла кожо балдарды јӧмӧӧр лӧ јонјӱрӱмдик айалгаларда болуш јетирер тӧс јер ачары јанынаҥ ишти баштап ийди. Тургуза ӧйдӧ балдарла психологтор ло социальный педагогтор иштегилейт. Тӧс јердиҥ программазы аайынча балдардыҥ јайалталарын, јилбиркеген ууламјыларын орныктырарына ајару эдилер.

Јажы эр кемине јеткелек балдардыҥ тӧс јери олорго јарамыкту айалга болор. Мында балдар бой-бойлоры ортодо колбуларды тыҥыдып, јилбӱлериле ӱлежип, јайалталарын ӧскӱрип, келер ӧйдӧ кандый профессия талдап аларыла таныжып, јондык колбулар табар аргалу. Олорло ченемелдӱ таскадаачылар иштеер. Эл-јонды ишле јеткилдеер тӧс јер балдарга каникул ӧйинде ишке кирерге болужар.

АР-дагы МВД-ныҥ ишчилери — Майма аймактагы ОГИБДД-ныҥ јааныныҥ ижин удурумга бӱдӱреечи старший лейтенант Анатолий Адыбасов ло Россияныҥ ОМВД-зыныҥ ПДН-ыныҥ инспекторы Айлана Тодошева волонтерлорго најыларын, кӧрӱш-таныштарын јуук ӧйлӧрдӧ темдектелген спорт маргаандарда эрчимдӱ туружарга кычырзын деп баштандылар.

Балдардыҥ айтканыла, секциялар ла кружоктор барын олор јакшы билгилеер. Ӧткӱрилип турган керек-јарактарда эрчимдӱ туружар, анайда ок болуш сураган кажы ла кижиге болужын јетирер кӱӱндӱ. Бу учуралда олор балдардыҥ «Солоҥы» садында болуп, болчомдорло бойлорыныҥ јӱректериниҥ јылузыла ӱлештилер. Акцияныҥ туружаачыларыла кожо олор балдарга самокаттар сыйлагандар. Кичинек болчомдор айдары јок сӱӱндилер! Сӱӱнчизин олор кыйгы ажыра «Быйан» деп айдып јетирдилер.

Ӧткӱрилген керек-јарактаҥ ончо туружаачылар бийик кӱӱн-санаа алды. Акцияны ӧткӱрерине јӧмӧлтӧ-болуш јетирген спонсор — спорт эдимдерле јеткилдеер «Спорттовары». «Прайм Спорт Рус» ӧмӧликтиҥ гендиректоры Арсен Мовсесян.

Алтай Республиканыҥ јажы эр кемине јеткелек балдарга сый эдерге спонсорлор табарга болушкан чындык најыбыс Москва каладаҥ Эльвира Самигуллинага аҥылу алкыш-быйан.

Хамида ТАДИНА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина