Алтай Республикада Конституцияныҥ кӱни темдектелди

14.12.2023

Тергеениҥ башчызы Олег Хорохордин ле Эл Курултайдыҥ председатели, «Единая Россия» партияныҥ тергеелик бӧлӱгиниҥ качызы Артур Кохоев јаҥар айдыҥ 12-чи кӱнинде Россия Федерацияныҥ Конституциязыныҥ одус јылдыгына учурлалган кӧдӱриҥилӱ јуунда турушкандар.

Россияндар туй ла одус јыл мынаҥ кайра текши албатыныҥ референдумында туружып, ороонныҥ Тӧс јасагын јарадары учун ӱнин бергендер. Конституция кижиниҥ тап-эригин корулаарын, государствоныҥ бирлигин ле оныҥ бузулбас ийдезин кыйалтазы јогынаҥ быжулайт ла јеткилдейт. Референдумныҥ кийнинде ол Россияныҥ президентиниҥ јарлыгыла государственный байрамныҥ кӱни деп јарлалган.

«Конституция јарадылган ӧйдӧҥ ала одус јылдыҥ туркунына ороон јаан јол ӧткӧн. Тӧс јасакта јаҥы тергеелердиҥ Россия Федерацияныҥ тоозына киретен кӱӱн-санаазы чокумдалган. Бу керек 2020 јылда болгон референдумда быжулалган. Мындый баштаҥкайга Россияныҥ президенти бийик баа берген, ол государственностьты тыҥыдар ла ороонды ондор јылдарга ичкери ӧскӱрер јарамыкту айалгалар тӧзӧгӧн» – деп, Олег Хорохордин бойыныҥ уткуулду сӧзинде темдектеген.

Артур Кохоев кӧдӱриҥиниҥ туружаачыларын учурлу байрамла уткуп: «Конституция биске тегин улустыҥ јадын-јӱрӱмин јарандырар јаан аргалар берип јат. Бис ороонныҥ Тӧс јасагыла башкарынып иштеп јадыс. Тергеениҥ парламенти мынча кире ӧйдиҥ туркунына Конституцияда айдылганынаҥ бир де алтамга кыйбаган, бу јасак республиканы ла ороонды ӧскӱрерге бек ле быжу тӧзӧлгӧлӧр берип јат» — деген.

Конституцияныҥ байрамы кӱнде тергее-ниҥ башчызы кӧп тоолу улуска Россия Федерацияныҥ кайралдарын табыштырган. «Ада-энениҥ магыныҥ» ордениниҥ медальдарыла Кош-Агаш јурттаҥ Еркин ле Аягуль Ажимкановтор, Тӧбӧлӧр јурттаҥ Саук Кумарканова кайралдаткандар. «Ат-нере учун» медаль «Тӧрӧлин корчыычылар» фондтыҥ јонјӱрӱмдик координаторы Игорь Алчагинге табыштырылган. «Россия Федерацияныҥ нерелӱ артисти» деп ат эл театрдыҥ актеры Евгений Папитовко адалган. РФ-тыҥ президентиниҥ ле Президенттиҥ администрациязыныҥ кӱндӱлӱ грамоталарын Кан-Оозы аймактаҥ Оксана Кестелева, Горно-Алтайсктаҥ Петр Долгов алгандар. РФ-тыҥ президентиниҥ Быйаны Алтай Республиканыҥ башчызыныҥ ла башкарузыныҥ аппарадыныҥ бӧлӱгиниҥ эксперти Елена Зыряновага, иш, јонјӱрӱмдик ӧзӱм ле эл-јонды ишле јеткилдеери аайынча министрдиҥ баштапкы ордынчызы Алексей Санаровко јарлалган. Федерал казначействоныҥ медалиле, Кӱндӱлӱ грамотазыла акча-манаттыҥ министриниҥ ордынчызы Геннадий Векессер, бӧлӱктиҥ јааны Оксана Мартынова кайралдаткандар. РФ-тыҥ акча-манат аайынча министерствозыныҥ Быйаны АР-дыҥ акча-манат аайынча министерствозыныҥ бӧлӱгиниҥ јааны Карина Туюнчековага јарлалган. Алтай Республиканыҥ Кӱндӱлӱ кижизиниҥ ады Россияныҥ МЧС-ныҥ Алтай Республикадагы башкартузыныҥ јааны Андрей Бурлаковко адалган. «Мактулу ада» деген темдек Кош-Агаш јурттаҥ Тлейберген Нашевке тагылган.

Кӧдӱриҥилӱ јуунда парламенттиҥ спикери Артур Кохоев иштиҥ кӧп озочылдарын ок Алтай Республиканыҥ Эл Курултайыныҥ кайралдарыла кайралдаган. Ол кӱн тергеениҥ кайралдары јонјӱрӱмдик бӧлӱктиҥ кӧп тоолу специалисттерине, ӱредӱчилерге, билимниҥ ишчилерине, юристтерге, аргачыларга, культ-ишчилерге, госслужащийлерге, тазыктыраачыларга, журналисттерге ле оноҥ до ӧскӧлӧрине табыштырылган. Школдыҥ ӱренчиктерине дезе паспорттор берилген.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина