«Куулгазынду кийис» — солун кӧрӱ

26.01.2024

Эл музейде ӧткӧн (2023) јылдыҥ учкары кийистеҥ белетеген эдимдердиҥ «Куулгазынду кийис» деп адалган кӧрӱзи кӧдӱриҥилӱ айалгада ачылган.

Јаан кӧрӱге тергеелик кӧрӱ-маргаанда турушкан јарлу устардыҥ алкы бойлорыныҥ белетеген иштери тургузылган. Солун кӧрӱге, темдектезе, кебис-сырмак, кееркедим панно, кеп-кийим, кееркедим јарангыштар ла ойынчыктар чыгардылар. Кӧрӱде кийис базарыныҥ атка чыккан узы, кееркедип-кеелеер јайаандык аайынча кӧп тоолу кӧрӱ-маргаандардыҥ, фестивальдардыҥ эрчимдӱ туружаачызы Айжана Какпакова «Энениҥ энчилеп берген энчизи» деп адалган сӱреен солун јуунтызыла таныштырды. Устыҥ јуунтызы беш бӱдӱмнеҥ турат. Оныҥ јуунтылары бойыныҥ бӱдӱмдериле башка-башка: платье, чегедек, кӧгӱспек, брюкалу костюм. Ус колду кӧкчи олорды белетееринде кийисти, алуны тузаланат. Кажы ла кеп, эдим алтай кулјаларла кееркедилет, ӱзеери кажагай, јинји база эптештире, келиштире тузаланылат.

Кӧрӱниҥ окылу ачылтазында «Тӱрк кабай» этно-группаныҥ туружаачылары Вадим Деев ле Айдар Унатов айылчыларга, кӧрӧӧчилерге јакшынак кӱӱзин, кожоҥын сыйладылар. Алтай Республиканыҥ Эл Курултайыныҥ эл политика, ӱредӱ, культура, јондык биригӱлер ле СМИ-лер аайынча комитеттиҥ јааны Наталья Екеева уткуулду куучын-эрмегин айтты.

Калыктыҥ јайаандыгыныҥ тӧс јериниҥ јааны Анастасия Уркунова кӧрӱ-маргаанда турушкан устарды, туружаачыларды уткуп, кӧрӱни белетееринде болужын јетиргени учун Быйанду самараларды табыштырды.

Алтай Республиканыҥ албатыныҥ чӱмдемел эдимдериниҥ «Алтай кийис» деген ассоциациязыныҥ јааны Айсура Таханова ла Эл музейдиҥ јааны, тергеениҥ чӱмдемел эксперт совединиҥ турчызы Римма Еркинова кийис эдимдердиҥ кӧрӱлериниҥ учурын аҥылап темдектедилер.

Солун кӧрӱ чаган айдыҥ учына јетире иштеер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина