«ПРОДЭКСПО — 2024»

29.02.2024

кӧрӱ-выставка Москвада!

«Продэкспо» — Россияда ла Кӱнчыгыш Европада аш-курсактыҥ ла суузындардыҥ албатылар ортодогы јаан кӧрӱ-выставказы. Анда бастыра јер-телекейдиҥ аш-курсактары кӧргӱзилген: кӱнӱҥ сайынгы аш-курсактардаҥ ла суузындардаҥ ала деликатестерге, анайда ок органический, спортивный, су-кадык јӱрӱмге керектӱ, халяльный, кошерный, экзотический курсактарга јетире.

Алтай Республиканыҥ делегациязы беш компаниядаҥ турат:
«Биостимул» ООО,
«ТД Майма-Молоко» ООО,
«Яныканов Борис Викторович» ИП,
«ТД Амза» ООО,
«Новрузов Теймур Этибар Оглы» ИП.

Эттеҥ белетелген аш-курсак ла колбасалар, пантовый ла фитопантовый продукция, пантогематоген, мӧт, мӧштиҥ кузугы ла јойгонныҥ ӱзи, чайлар, сырлар — мыныҥ бастыразы Тӧрӧлистиҥ тӧс калазында кӧрӱ-выставочный стендте тургузылган.

Беш кӱнниҥ туркунына туружаачылар мындый једимдерге јеткен:
— 50-неҥ кӧп туштажулар ӧткӱргендер;
— ӧмӧ-јӧмӧ иштеерге јилбиркегендердиҥ 100-теҥ ажыра контакттарын јууп алгандар;
— ӧткӱрилген дегустациялардыҥ шылтузында мынаҥ апарган аш-курсактарды јарадып тургандарды тапкандар;
— ӧскӧ тергеелердиҥ ле ороондордыҥ бистийине тӱҥейлеш аш-курсак белетеп турган производительдериле танышкандар.

Кӧрӱ-выставканыҥ баштапкы кӱнинде аргачылар РФ-тыҥ Федерация Совединиҥ турчызы Татьяна Анатольевна Гигельле тушташкандар. Кажы ла туружаачыда Татьяна Анатольевнала куучындажар, ого сурактар берер ле јӧмӧлтӧ алар арга болгон.

«ТД Майма-Молоко» ООО-ны уткуйдыс! Олор Гран-Приниҥ кубогын, медаль ла «Эҥ артык аш-курсак — 2024» деп албатылар ортодогы конкурстыҥ беш дипломын ойноп алган!

Алтай Республикадаҥ барган бастыра туружаачылар кӧрӱ-выставканыҥ каталогына кийдирилген.

Кӧрӱниҥ кийнинеҥ бистиҥ туружаачыларга ӧскӧ ороондордоҥ табып алган партнерлорло јарамыкту, ӧмӧ-јӧмӧ иш керегинде куучындажары аайынча јаан иш ӧткӱрер керек болор.

2024 јылдыҥ кочкор айыныҥ 5-9 кӱндеринде «Экспоцентр» ЦВК-да аш-курсактыҥ, суузындардыҥ ла олорды белетеерине керектӱ сырьеныҥ «Продэкспо-2024» деп 31-чи албатылар ортодогы кӧрӱ-выставка ӧткӧн.

Былтыргы јылдыйына кӧрӧ бу кӧрӱ бастыра кӧргӱзӱлер аайынча ӧзӱм болгонын кӧргӱскен. Оны кӧрӧргӧ келген улустыҥ тоозы аайынча рекорд тургузылган.
«ПРОДЭКСПО-2024» кӧрӱ-выставка тоолор ажыра
40 ороонноҥ 2 195 компания
ол тоодо 1658 российский туружаачы
12 национальный экспозиция
48 тергеелик экспозиция
30 тематикалык салон
97 ороонноҥ 71 414 аҥылу кӧрӧӧчи
ол тоодо Россияныҥ 89 тергеезинеҥ 65 026 специалист
96 732 кв. м — кӧрӱ-выставканыҥ текши кеми.

Кӧрӱ јаҥжыкканы аайынча бийик кеминде ӧткӧн, ороонды аш-курсакла јеткилдееринде јеткер болдыртпазыныҥ сурактарыныҥ аайына чыгарында ла российский садуны јаҥы чыҥдый аш-курсакла толтырарында учурлу керек болгон.

Кырчын Куртов белетеген

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина