Бир фотојуруктыҥ тӱӱкизи

12.04.2024

1962 јылда согулган фотојурукта Кош-Агаш аймактагы Кӧкӧрӱ јурттаҥ Яйтыновтордыҥ билези.

Ол туштагы «Путь к социализму – Кызыл-Таҥ» колхозтыҥ ээлем складыныҥ ичинде эки кыпту эки тура турган (фотојурукта кийни јанында). Олордыҥ бери јанындагызында Ада-Тӧрӧл учун Улу јууныҥ туружаачызы тайдам Тазымай Турдубекович ле тайэнем Јибек Алексеевна (Баданова) Яйтыновтор беш балазыла јаткан. Тайдам колхозтыҥ тудум иштериниҥ прорабы болгон ӧй. Фотојурукта тайэнемниҥ колында эҥ оогош таайым Сережа, бодоштыра айтса, он айлу. Клетка чамчалу, ӧдӱк јок уулчак – јаан таайым Таукен, оныҥ јанында уулчак – ортон таайым Коля. Оогош кызычак – энем Сания ла јаан кызычак – таай эјем Ася.

Тайэнемниҥ јикпези ле Таукен таайымныҥ чамчазы бир бӧстӧҥ кӧктӧлгӧн. Ол тушта бӧс тӧ табылбас ине. Таайым оогоштоҥ ала тебек теберге сӱӱйтен. Бу да тушта штаны јыртылганча, ӧдӱги ойылганча тебектеген ошкош. Бу ӧдӱк јок омок уулчактаҥ кийнинде РФ-тыҥ культуразыныҥ нерелӱ ишчизи, бичиичи болор деп кем билген.

Энемниҥ кӧстӧриниҥ кӧрӱжи эмдиге јетире ол ло бойы, солынбаган. Коля ла Сережа таайларымныҥ кыстары энеме кандый тӱҥей деп кайкайдым.

Таай эјем Ася база јайалталу кижи болгон. Ӱлгерлери ле куучындары «Алтайдыҥ Чолмоны» газетте чыгып туратан. Эјебис эзен јӱрген болзо, бу фотојурук керегинде кӧпти куучындап берер эди. Је…

Оогош таайларым амыралтага чыкканча, колхозто трактористтер болгон.

Фотојурукта турган беш бала эр кемине једип, эне-адазына он тӧрт барка сыйлагандар.

«Урал» мотоциклды, байла, прораб кижиге ижинеҥ берген болор деп сананадыс. Фотосогоочы кем болгоны јарты јок.

Бу ла эки кып турада тайдам ла тайэнем јаҥыс ла беш балазын чыдаткан эмес, олор јуртта ӧскӱс арткан ла тайга-ташта јаткан койчы-малчылардыҥ балдарын чыдаткандар.

Экинчи турада Край Ябатаевич ле Чокпраш Ябатаевич Якпуновтордыҥ энези ле тайэнези јаткан. Ол улусты фотосогоочы база соккон ло билелик фотокӧмзӧзинде бар болор бо?

Виктория ТИХОНОВА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде