«Кӧк Бӧрӱге» ле «Чике-Таманныҥ јазына» келигер!

26.04.2024

Кӱӱк айдыҥ 4-12 кӱндеринде Оҥдой аймакта Кӱпчеген јурттыҥ јанында Кер-Кечӱ деп јерде Алтай Республикада «Кӧк Бӧрӱни» тӧзӧгӧн Семен Сергеевич Тузачиновтыҥ 80 јажына учурлай спорттыҥ бу бӱдӱмиле бастырароссиялык јаан маргаандар ӧдӧри темдектелет.

Бу маргаандарда туружар кӱӱндерин кӧп тергеелердиҥ кӧкбӧрӱчилери угузат. Ээжилер аайынча ыраак јерлердиҥ командалары Кер-Кечӱге кӱӱк айдыҥ 4-чи кӱнине јетире једип келер учурлу. Маргаандардыҥ бойы дезе эртенгизинде башталар. Эки бӧлӱкке ӱлелген командалар јарым финалга ла финалга чыгары учун туй ла алты кӱнниҥ туркунына тартыжар. Кӱӱк айдыҥ 11-чи кӱнинде дезе эртен тура 3-4 јерлер учун туштажулар ӧдӧр. 1-2 јерлер учун ойындар дезе бу ла кӱнде 15 саатта башталар.

Бастырароссиялык маргаандардыҥ эҥ ле јилбилӱ деген керек-јарактары шак ла кӱӱк айдыҥ 11-чи кӱнинде ӧдӧри темдектелет. Ол кӱн «Кӧк Бӧрӱниҥ» јеҥӱчилдериниҥ ады-јолдоры адалар. 12 саатта дезе «Чике-Таманныҥ јазыныҥ» кӧдӱриҥилӱ ачылтазы ла оныҥ туружаачыларыныҥ сӱрлӱ ойын-концерти ӧдӧр. Бу кӱнде анайда ок атла јарыш, алтай кӱрешле маргаандар, «Кӧк Бӧрӱле» Россияныҥ ла Кыргызстанныҥ јуунты командалары ортодо најылык ойын, ат ӱстинеҥ кӱреш ӧдӧр. Маргаандардыҥ јеҥӱчилдериниҥ кайралдажы тӧс сценада 18 саатта башталар. Бу кӧдӱриҥини орой тӱнге јетире кожоҥныҥ ла бијениҥ фестивалиниҥ артисттери улалтар.

Кӱӱк айдыҥ башталганында ай-кӱн јылып, айас кӱндер турганда, ар-бӱткен «ойгонып», Кӱпчегенниҥ, Јайлугуштыҥ ла Кадринниҥ сындарында ӧскӧн маралдар тапту јайыла беретен эди. Кӧстӧрди кылбыктыратан, кӱӱн-санааны сӱӱнчиле толтыратан, кӧгӱсти кеҥидетен мындый јарашты јаҥыс ла кӧрӧр керек! Быјыл та кандый болор? Эртедеҥ айдарга кӱч. Јакшы кӱндер турарына јаҥыс иженери артат.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым