Спорттыҥ суудагы бӱдӱмдерин ӧскӱрерге

27.09.2022

Эл Курултайдыҥ туризмниҥ ӧзӱми, аргачылык, спорт ло јашӧскӱримдик политика аайынча комитеди Алтай Республиканыҥ депутаттарыла, Горно-Алтайсктыҥ администрациязыныҥ чыгартулу улузыла кожо калада Балдардыҥ ла јииттердиҥ туризминиҥ ле экскурсиялардыҥ станциязында спорттыҥ суудагы бӱдӱмдерин ӧскӱрери аайынча выездной јуун ӧткӱрген.

Оныҥ туружаачылары «Чаҥкыр Алтай» кинотеатрдыҥ јанында парковый зона тудары ла Майма сууныҥ јараттарын јарандырары аайынча иштерле колбой спорттыҥ чакпынду сууда ӧдӱп турган бӱдӱмдери аайынча ӱредӱ-тазыктыру комплексти тудар аргалар бар ба деп кӧргӧн. Олор комплексти тударына керектӱ јер берзин деп каланыҥ јаҥдарына баштанар шӱӱлтеге келгендер.
Алтай Республиканыҥ гребной слалом, рафтинг ле спортивный туризм аайынча федерациязына керектӱ технический документацияны белетезин деп айдылган. Јуунныҥ туружаачылары анайда ок сууныҥ јолын тереҥжидерин, сууда маргаандарга керектӱ буудактар, јараттарда јазалдар тургузарын, тергеебисте спорттыҥ суудагы бӱдӱмдерин ӧскӱрерге материально-технический тӧзӧлгӧни јарандырарыныҥ сурактарын шӱӱшкендер.
Алтай Республиканыҥ физический культура ла спорт аайынча комитеди чоттомолдор эдип, спорттыҥ суудагы бӱдӱмдери аайынча комплексиниҥ проектно-сметный документациязын парламенттиҥ комитединиҥ сыгын айдыҥ 28-чи кӱнинде ӧдӧтӧн јуунына белетеер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина