Полицияныҥ јаанына уголовный керек ачылган

24.07.2017

Россияныҥ МВД-зыныҥ Кӧксуу-Оозы аймак аайынча бӧлӱгиниҥ јаанына бу јуукта РФ-тыҥ УК-зыныҥ 286 статьязыныҥ 1 бӧлӱги аайынча уголовный керек ачылды.
Ондый јетирӱни Россияныҥ шылучы комитединиҥ Алтай Республика аайынча башкартузы этти.

Шылучылардыҥ јартаганыла, 2017 јылдыҥ кандык айында бу башкараачы бойыныҥ ишчилерине Кӧксуу-Оозы јурттыҥ эки кижизин тудала, бӧлӱкке јетирзин деп јакылта берген. Тудала экелген эки кысты аймактыҥ полициязы шылтагы јогынаҥ 5 сааттаҥ ас эмес ӧйгӧ камерада туткан.
Кӧксуу-Оозы аймактыҥ полициязыныҥ јааны керечилерди ле байагы эки кысты истеп ле коркыдып баштаганыла колбой оны јайымынаҥ айрыырга келишкен деп, јетирӱде айдылат.
Эмди керектиҥ чын аайын илезине чыгарары аайынча иш ӧткӱрилет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина