Пассажирлер бир эмеш астаган

29.08.2017

Горно-Алтайсктагы аэропорттыҥ пресс-службазыныҥ јетиргениле, пассажирлердиҥ тоозы былтыр 12 процентке астаган, темдектезе, 2016 јылда аэропорт ажыра 58 муҥ пассажир учкан болзо, оныҥ алдындагы јылда олордыҥ тоозы 66 муҥ болгон.

Оныҥ учун предприятиениҥ башкартузы Алтай Республиканыҥ Башкарузыла кожо јаҥы рейстер ачарына јаан ајару эдет.
2017 јылыдҥ кандык айыныҥ 1-кы кӱнинеҥ ала S7 Airlines деген компания Сургут јаар, бу ла айдыҥ 2-чи кӱнинеҥ ала Горно-Алтайск, Нижневартовск, Ноябрск јаар, кандык айдыҥ 3-чи кӱнинеҥ ала Новый Уренгой јаар рейс башталган
Бу рейстердиҥ кезигинде Embraer 170-LR таҥмалу «темир куштар»тузаланылат. Ол бир ле уунда 76 пассажирди јетирер аргалу. S7 Airlines авиакомпания Сибирьде мындый самолетторды тузаланып баштаган баштапкы организация болуп јат.
Горно-Алтайсктыҥ «кейдеги каалгалары» ажыра канча кижи јорыктаганы јылдыҥ учында јарталар, бӱгӱнги тоолордоҥ кӧргӧндӧ, олордыҥ тоозы бир эмеш кӧптӧӧри сезилет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина