Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кан-Оозыныҥ бӧкӧлӧри јеҥген

13.02.2018

Кочкор айдыҥ 10-11 кӱндеринде Горно-Алтайскта «Jиит спартакчы» спортзалда грек-рим кӱрешле уулдар ортодо Афганистанда черӱчил-интернационалист молјузын ла амыр-энчӱ ӧйдӧ јуучыл керектерде турушкан јерлештердиҥ эземине учурлай тергеелик маргаандар ӧткӧн.

Афганистанда јуу-согуш тогус јылдаҥ ажыра ӧткӧн деп айдар керек. Анда јуучыл молјузын бистиҥ республикадаҥ 250-неҥ ажыра кижи бӱдӱрген. Jуучыл-интернационалисттер черӱниҥ бастыразына шыдар бӱдӱмдеринде — кейдеги десантта, мотоадучылардыҥ, танкисттердиҥ, летчиктердиҥ, кайучылдардыҥ, кӧлӱктердиҥ тискинчилериниҥ јуучыл бӧлӱктеринде ат-нерезин ле јалтанбазын кӧргӱскендер. Он бир кижи јууныҥ јалаҥдарында јеҥ јастанып јыгылгандар. 55 кижи башка-башка шыркалар алган. Jӱстеҥ ажыра черӱчил ордендерле, медальдарла кайралдаткан. Республиканыҥ кӱрешчилери бӱгӱнги кӱнде эзен-амыр јӱрген ветерандарга ла јеҥ јастанып јыгылган јуучылдардыҥ эземине учурлай маргаандар ӧткӱрип турганын јарадып, олорго јаан быйан айдар керек.

Jуучыл ветерандардыҥ бастырароссиялык кыймыгузыныҥ Алтай Республикадагы бӧлӱгиниҥ јааны Александр Вилисовтыҥ айтканыла, бу маргаандарды јылдыҥ сайын грек-рим кӱрештиҥ республикан федерациязы, Россияныҥ олимпий совединиҥ јербойындагы бӧлӱги, ветерандардыҥ «Боевое братство» деген биригӱзи ле Афганистанда јуулашкан черӱчилдердиҥ јербойындагы јондык организациязы ӧмӧ-јӧмӧ ӧткӱрип јадылар. Ол бу маргаандардыҥ таскадулу учурын бийик баалап турганы керегинде айдып, ого јылдыҥ сайын Кемеровский областьтаҥ эки команда келип турганын база темдектеген.

Кебистеги кызу тартыжулар дезе эки кӱнниҥ туркунына он бир бескеде ӧткӧн. Учурлу маргаандардыҥ алтын, мӧҥӱн, кӱлер медальдары учун бастыра јӱс бежен спортчы кӱрешкен. Маргаандардыҥ кӧдӱриҥилӱ ачылтазында јиит бӧкӧлӧргӧ уткуулду сӧстӧриле каланыҥ мэри Юрий Нечаев, јуучыл офицерлер Николай Толкочоков, Александр Вилисов ло Сергей Адлыков баштангандар. А. Вилисов Афганистанда јеҥ јастанып јыгылган јерлеш черӱчил Сергей Ерзумашев керегинде јылу эске алынган: «Ол Барнаулда ӱредӱчилер белетеер институттыҥ физкультура аайынча бӧлӱгин ӱренип божоткон. Бойы јакшынак спортчы болгон. Сергей јеҥил атлетикала, чанала болуп турган маргаандарда јаантайын туружатан. Черӱге барардаҥ озо ол бу ла «Jиит спартакчы» спортзалда директордыҥ ордынчызы болуп иштеген».
2003-2004 јылдарда чыккан јиит бӧкӧлӧр ортодо мындый спортчылар јеҥӱчилдер болуп чыккан.

32 кг:
1. Геннадий Белешев (Улаган);
2. Максим Тупуков (Шабалин);
3. Семен Делецкий (Шабалин), Суркун Алмадаков (Улаган).

35 кг:
1. Аргымак Олчонов (Улаган);
2. Константин Талбыков (Кан-Оозы);
3. Байрам Баин, Айас Артушев (Кан-Оозы).

38 кг:
1. Иван Чебышев (Новокузнецк);
2. Денис Юнчаков (Улаган);
3. Мерген Ажанаров, Руслан Токтосунов (Кан-Оозы).

41 кг:
1. Степан Суртаев (Майма);
2. Максим Кузнецов (Новокузнецк);
3. Алексей Манжин (Кан-Оозы), Данил Модыков (Оҥдой).

44 кг:
1. Андрей Лобанов (Майма);
2. Кирилл Гуляев (Майма);
3. Аслан Абашев, Рустам Урматов (Оҥдой).

48 кг:
1. Эжер Шанданов (Кош-Агаш);
2. Денис Швецов (Майма);
3. Рунат Яманов (Оҥдой), Антон Никулин (Новокузнецк).

52 кг:
1. Лазарь Самойлов (Горно-Алтайск);
2. Максим Католин (Новокузнецк);
3. Василий Дудков, Рустам Чебышев (Новокузнецк).

57 кг:
1. Руслан Кеденов (Улаган);
2.Батый Сандыков (Кан-Оозы);
3. Владислав Хряков (Улаган), Данил Юткенов (Оҥдой).

62 кг:
1. Ай-Белек Мегедеков (Кан-Оозы);
2. Данил Менчиков (Новокузнецк);
3. Айдар Кокулев (Горно-Алтайск), Руслан Тадыев (Майма).

68 кг:
1. Максим Колесников (Шабалин);
2. Эркин Мешкеев (Кан-Оозы);
3. Дмитрий Сергеев (Майма), Аржан Чунжеков (Кош-Агаш).

75 кг:
1. Иван Ростовцев (Горно-Алтайск);
2. Семен Казанцев (Кан-Оозы);
3. Данил Бордунов (Горно-Алтайск), Николай Собдюшев (Оҥдой).

Маргаандарда командалар ортодо баштапкы јерди Кан-Оозыныҥ кӱрешчилери алган. 2-чи ле 3-чи јерлерге Улаган ла Шабалин аймактардыҥ командалары чыккан. Мында анчада ла Кан-Оозыныҥ кӱрешчилериниҥ тазыктыраачызы Станислав Таинниҥ эрчимдӱ ле једимдӱ ижин темдектеер керек. Грек-рим кӱрешле Алтай Республиканыҥ јуунты командазыныҥ баш тазыктыраачызы Сергей Термишевтиҥ айтканыла, бу турнирдиҥ јеҥӱчилдери тулаан айдыҥ 9-12 кӱндеринде Новосибирскте ӧдӧтӧн Сибирь федерал округтыҥ первенствозында туружар.

ТОП

Jурт ээлем: тоолор ло керектер

2017 јылда государствоныҥ акча-манат јанынаҥ јӧмӧлтӧзин бистиҥ тергееде 3720 ээлем алган: ол тоодо 841 КФХ, јурт ээлемниҥ 57 организациязы, јурт ээлемниҥ 38 потребкооперативи, 2784 ЛПХ.

2017 јыл: культураныҥ ундылбас элестери

Баштапкы катап ороонныҥ тӧс калазы Москвада Алтай Республиканыҥ кайчыларыныҥ учурыла, кемиле јаан ойын-концерти ӧткӧн. Ол республиканыҥ культуразыныҥ тӱӱкилик учурлу кереги деп јолду чотолот.

2017 јыл: јонјӱрӱмдик керектер ле тоолор

Президенттиҥ грантына јылына эки катап ӧдӱп турган конкурсында быјылгы јарымјылдыкта Алтай Республикадаҥ 48 угузу аткарылган. Jеҥӱчилдердиҥ тоозына коммерческий эмес 11 организация кирген. Олор алты ууламјыла 16 923704 салковойдыҥ гранттарын ойноп алгандар.