Государственный граждан службаныҥ сурактары шӱӱжилген

08.05.2018

АР-дыҥ Эл Курултайыныҥ јасакберим ле национальный политика аайынча комитединиҥ председатели Виктор Ромашкинниҥ башкарганыла ӧткӧн тегерик стол бу јуукта болгон. Оныҥ туружаачылары Алтай Республикада государственный граждан службаныҥ тап-эриктик аайлаштырузы ла оныҥ келер ӧйдӧ ӧзӱми аайынча сурактарды шӱӱжип кӧргӧн.

—Кандый ла государственно-тӧзӧмӧл общество государственный башкарту јогынаҥ јӱрӱп болбос, ол тоодо государственный служащийлер јогынаҥ. Государствоныҥ арга-кӱчи шак ла кижилик кадрлардаҥ, ол тоодо служащийлердеҥ камаанду — деп, В. Ромашкин аҥылап темдектеген.

Докладчиктиҥ шӱӱлтезиле, тургуза ӧйдӧ Алтай Республикада Россия Федерацияныҥ субъекттериниҥ государственный граждан службазыныҥ сурактары аайынча нормативный тап-эриктик тӧзӧлгӧ тӧзӧӧри јанынаҥ системный иш ӧткӱрилип калган. Бистиҥ тергеениҥ јасакбериминде государственный граждан служащийлердиҥ статузыныҥ тӧзӧлгӧзи, государственный граждан службага кирериниҥ, оны ӧдӧриниҥ ле оноҥ чыгарыныҥ ээжизи, граждан служащийлердиҥ ишјалыныҥ аайы ла кеми, классный чиндер берериниҥ аайы салылып калган.

—Тургуза ӧйдӧ федерал государственный граждан службаныҥ, анайда ок Россия Федерацияныҥ субъекттериниҥ государственный граждан службазыныҥ тоомјызын бийиктедерине, оныҥ тап-эриктик башкартузыныҥ бӧлӱгине ууландыра бир канча кубулталар эдери аайынча сурак туруп јат — деп, парламентарий куучындаган.

Виктор Васильевичтиҥ шӱӱлтезиле, кӧп јылдардыҥ туркунына тӧс ајару тап-эриктик ле черӱчил службага эдилип јат — государственный граждан служащийдиҥ ишјалыныҥ кеми, черӱчилдиҥ эмезе тап-эриктер корыыр органныҥ ишчизиниҥ ишјалына кӧрӧ, бир канча катапка ас. Граждан служащийдиҥ јамызы олордый ла ошкош до болзо. Анайда ок граждан служащийдиҥ материально-техникалык јеткилдежиниҥ айалгазы база кирелӱ.

Граждан служба керегинде федерал јасакберимде калганчы ӧйлӧрдӧ эдилген кубулталар госслужащийлерге шиҥжӱни катуландырарына, јаҥы кирелендириштер кийдирерине ууландырылган. Анайда ок ол кубулталар госслужащийди иштеҥ кандый шылтактарла чыгарарын (бӱдӱмјини јылыйтканыла колбой), ненормированный деген ишмекчи кӱн учун отпусктыҥ ӧйин кыскартарын, госслужащий интернетке кандый бир јетирӱ салза, онызы керегинде ишбереечиге јетирер молјулу болгонын чокымдайт.

Мындый айалгаларда государственный граждан службаныҥ тоомјызын бийиктедери керегинде куучын ӧткӱрери јанынаҥ куучын јок. Мынаҥ улам государственный органдарга граждан службаныҥ јамыларына билгирлери бийик специалисттер јетпейт. Нениҥ учун дезе государственный граждан службаныҥ ишчизиниҥ бӱдӱрип турган ижиниҥ ле ишјалыныҥ кеми, ижиниҥ айалгалары, тап-эриктик эмезе черӱчил службаныҥ ишчизинийине кӧрӧ, чик јок аҥыланат.

—Россия Федерацияныҥ Президенти, Россия Федерацияныҥ башкарузы ла Россия Федерацияныҥ Федерал Jууны государственный граждан службаныҥ бӧлӱгинде болуп турган мындый коомой айалгаларга ајару эдип, государственный граждан службаныҥ тоомјызын, госслужбаныҥ ӧскӧ бӱдӱмдеринде чылап ок, бийиктедерине иженери артат — деп, Виктор Васильевич адакыда айткан.

«Алтай Республиканыҥ государственный граждан службазыныҥ ӧзӱминиҥ тӧс ууламјылары керегинде» докладты Алтай Республиканыҥ башкарузыныҥ председателиниҥ ордынчызы, АР-дыҥ башчызыныҥ ла башкарузыныҥ Бирлик аппарадыныҥ башкараачызы Анатолий Донской эткен. Ол АР-дыҥ государственный граждан службазыныҥ 2018-2020 јылдарда ӧзӱминиҥ тӧс ууламјылары керегинде куучындаган. Анатолий Михайлович граждан службала колбулу курч сурактарга база ајару эткен: граждан служащийлердиҥ тоозын јаантайын астадып турганы, служащийлердиҥ тоозы ол ло кеминде артып та турза, олордыҥ государственный чыдуларын кӧптӧткӧни, граждан служащийлердиҥ ишјалыныҥ кеми јабыс болгоны.

Государственный граждан службага кадрларды Горно-Алтайсктагы госуниверситетте канайда белетеп турганы керегинде ГАГУ-ныҥ экономико-юридический факультединиҥ деканы Юлия Газукина куучындаган. Ол кадрларды белетеери кандый ууламјыларла ӧдӱп турганы, ӱредӱзин божоткондорды ишке кийдирери керегинде айткан.
Каланыҥ администрациязыныҥ керектери аайынча каруулу Миржан Заргумаров тегерик столдыҥ туружаачыларына «Горно-Алтайск кала» муниципал тӧзӧлмӧдӧ муниципал службаныҥ сурактары аайынча јетирӱ эткен. Алтай Республиканыҥ прокуратуразыныҥ государственный граждан служба керегинде јасактарды бӱдӱрерин шиҥжӱде тудары, коррупцияга удурлажары аайынча ижи керегинде республиканыҥ прокурорыныҥ баш болушчызы Судур Амургушев куучындаган.

Тегерик стол ӧйинде шӱӱжӱде АР-дыҥ депутаттары Василий Манышев, Аскар Тулебаев, Николай Малчинов, Аржан Иташев, Укмет Альпимов, Виктор Хабаров, Виктор Ромашкин ле башкаруныҥ чыгартулу кижизи Анатолий Донской турушкан. Тегерик столдыҥ уч-турултазы аайынча бир канча шӱӱлтелерлӱ јӧп јарадылган.

АР-дыҥ Эл Курултайыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина