Jеткерлӱ кеминеҥ 37 процентке јабыс

16.10.2017

Роспотребшиҥжӱниҥ Алтай Республикадагы башкартузыныҥ пресс-службазыныҥ јетиргениле, республикада ОРВИ-ле, гриппле оорыгандардыҥ тоозы ӧткӧн неделеде эпидемия болор кеминеҥ 37 процентке ас болды.

Темдектезе, Горно-Алтайскта улус ОРВИ-ле, гриппле оорыган 365 учурал болгон, ол тоодо 281 учурал 14 јашка јетире балдар ортодо. 12 кижини эмчиликте јаттыргызарга келишти.
Мындый айалгада Алтай Республикада 88776 кижиге прививка тургузылган, ол тоодо 36000 балага ла 52776 јаан кижиге. Бу дезе республиканыҥ бастыра эл-јоныныҥ 41 проценти. Ол ло ӧйдӧ 2776 кижиге прививка мындый иштиҥ национальный календаринде темдектелгенине ӱзеери эдилди.
Арменияныҥ кӱндери Горно-Алтайскта

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым