Кату-Jарыкта кереес-темдек тургузылган

15.11.2017

Улаган аймакта Кату-Jарыктыҥ боочызында оны туткан улуска учурлалган кереес-темдек тургузылды. Ондо боочыныҥ кайа-таштарын јара тӱртӱрип, Чолушман ичине јол ачкан Аркадий, Анатолий, Виктор Ухановтордыҥ ады-јолы бичилген.

Кереес-темдектиҥ эскизин белетеери, оны эттирери ле тургузары аайынча кӧп ишти Алтай Республиканыҥ культураныҥ ла тӱӱкиниҥ кереестери аайынча агентствозы ӧткӱрген.
Кереести ачарында бу учреждениениҥ ишчилери, боочы ажыра јол тудаачылар, олордыҥ јуук улузы, тӧрӧӧн-туугандары, нӧкӧрлӧри ле ӧскӧ дӧ улус туруштылар.
Мынаҥ озо кереес Чике-Таманда оны ажыра јол тудаачыларга учурлай тургузылган эди.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым