Орык јолдор арчылар

26.01.2018

Быјыл кичӱ изӱ айдаҥ ала куран айга јетире Сайлугемдеги национальный парктыҥ јеринде волонтерлордыҥ ӱч ӱлекерин бӱдӱрери пландалат.
Темдектезе, кичӱ изӱ айда Кайыр ла Кара-Айры деп јерлерде јойу ла атту улустыҥ экологиялык орык јолдоры ачылар. Кажы ла ӱлекерде атту јортып билер ле 18 јаштаҥ ӧрӧ, талайдыҥ кеминеҥ 1500-3000 метр бийик јерлерде јӱргедий 5 туружаачы болор јаҥду.
Олор эки неделениҥ туркунына инструкторлорло кожо экологиялык орык јолдоры арчыыр ла чыныктаачы иштер ӧткӱрер, јол-јорыктыҥ ууламјызын, анайда ок амырайтан јерлерди кӧргӱзеечи темдектерди тургузар.
Jарт эмес сурактардыҥ карууларын sailugem.ru сайттаҥ таап аларга јараар.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым