Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӱнбереечилердиҥ угузуларын алары башталган

27.02.2018

Россия Федерацияныҥ Президентиниҥ 2018 јылдыҥ тулаан айыныҥ 18-чи кӱнинде ӧдӧтӧн талдаштарына јетире бир айдаҥ ас ӧй артты. Ӱнбереечилер бойлорын бу талдаштарда ӱнбереечилердиҥ тооломына болгон јери (по месту нахождения) аайынча кийдирзин деген угузу бичиктер табыштырары јанынаҥ база ас ӧй арткан. Jартамал эдип ийели: талдаштарда јаткан јери аайынча туружып болбос ӱнбереечилер болгон јеринде ӱнбериште туружар арга аларга, угузу бичикти озолондыра табыштырар учурлу.

Болгон јери аайынча ӱнбереечилердиҥ тооломына кийдирзин деген угузу бичиктерди алар пункттардыҥ тоозы 2018 јылдыҥ кочкор айыныҥ 25-чи кӱнинеҥ ала билдирлӱ кӧптӧй берген, нениҥ учун дезе участковый талдаачы камыстар бу иште туружарын баштап ийген. Ол ок ӧйдӧ угузу бичиктерди алары бастыра территориальный талдаачы камыстарда, государственный ла муниципал јеткилдештердиҥ кӧп учурлу тӧс јерлеринде (мениҥ документтерим) улалганча. «Россия Федерацияныҥ Президентиниҥ талдаштары ӧйинде талдаачы участокты талдап алары» деген опция база иштегенче, оныҥ болужыла угузу бичикти Россия Федерацияныҥ государственный јеткилдештериниҥ www.gosuslugi.ru порталы ажыра онлайн бӱдӱмле берер арга бар.

Угузу бичиктерди алары 2018 јылдыҥ тулаан айыныҥ 12-чи кӱнинде, олорды алып турган бастыра пункттарда тӱгенер.
Участковый талдаачы камыстар 2018 јылдыҥ кочкор айыныҥ 25-чи кӱнинеҥ ала тулаан айыныҥ 12-чи кӱнине јетире ӧйдиҥ туркунына ӱнбереечилердиҥ олорды болгон јери аайынча ӱнбереечилердиҥ тооломына кийдирзин деген угузу бичиктерин иштеер кӱндерде 14 сааттаҥ ала 18 саатка јетире, амыраар ла иштебес байрамдык кӱндерде 10 сааттаҥ ала 14 саатка јетире алар.
Алтай Республиканыҥ территориальный талдаачы камыстары угузу бичиктерди 2018 јылдыҥ тулаан айыныҥ 12-чи кӱнине (бу кӱнде база) јетире ӧйдиҥ туркунына иштеер кӱндерде 10 сааттаҥ ала 12 саатка ла 16 сааттаҥ ала 20 саатка јетире, амыраар ла иштебес байрамдык кӱндерде 10 сааттаҥ ала 14 саатка јетире алар.

Территориальный ла участковый талдаачы камыстарга, МФЦ-ларга угузу бичикти таҥынаҥ бойы табыштырып јаткан ӱнбереечиде бойында Россия Федерацияныҥ гражданиниҥ паспорты болор учурлу. Керелелген учетный бичимел бар ӱнбереечилер угузу бичикти «Госјеткилдеш» ажыра электрон бӱдӱмле берер аргалу. Ӱнбереечиде јӱк ле јаҥыс угузу бичик табыштырар тап-эрик бар. Арткан угузу бичиктер чотко алылбас.

Бойыныҥ угузу бичигинде ӱнбереечи болгон јери аайынча ӱнин берерге турган талдаачы участоктыҥ номерин кыйалта јогынаҥ кӧргӱзер учурлу. Керектӱ талдаачы участокты талдап алары андый ла кӱч керек эмес — јӱк ле Россия Федерацияныҥ талдаачы камыстарыныҥ интерактивный картазына баштанар керек. Бу карта Россияныҥ ЦИК-иниҥ cikrf.ru сайтында јарлалган, бу сайт керегинде јетирӱ Алтай Республиканыҥ Талдаачы кӱреезиниҥ altai_rep.vybory.izbirkom.ru сайтында база бар.

Участковый талдаачы камыстар керегинде јетирӱни анайда ок Россияныҥ ЦИК-иниҥ сайтындагы «Бойыҥныҥ талдаачы участогыҥды табып ал» деген аҥылу сервис, Россия Федерацияныҥ субъекттериниҥ талдаачы камыстарыныҥ сайттары ажыра алар арга бар.

Алтай Республиканыҥ террриториальный талдаачы камыстарыныҥ сурулары ла телефондоры керегинде јетирӱлер Алтай Республиканыҥ Талдаачы кӱреезиниҥ сайтында јарлалган.
Угузу бичикти территориальный, участковый талдаачы камыстарга эмезе МФЦ-ларга табыштырар тушта ӱнбереечиге берилген отрывной талондо ӱнбериш ӧдӧр кӱнде кандый талдаачы участокко келери керегинде јетирӱ болор. Угузу бичикти «Госјеткилдештердиҥ» порталы ажыра онлайн бӱдӱмле берер тушта, ӱнбереечиге угузу бичиктиҥ распечатываемый бӧлӱги тӧзӧлӧт, анда ӱнбереечи талдап алган талдаачы участоктыҥ сурузы болор.

Угузу бичикти алып јаткан пункттыҥ операторы ӱнбереечиге угузу бичикти канайда бичиирине, керек болзо, ӱнбереечи ӱнбериштиҥ кӱнинде болотон талдаачы участоктыҥ номерин ле сурузын чокымдаарына болуш јетирер аргалу.

Ӱнбереечилер су-кадыгыныҥ айалгазынаҥ, кенек болгонынаҥ улам ӧрӧ адалган угузу бичикти табыштырар пунктка бойы једип болбос болзо, јуугындагы территориальный эмезе участковый талдаачы камыска айдып эмезе бичип, баштанар арга бар. Участковый камыстыҥ турчылары андый ӱнбереечилерге барарын ла олор болгон јери аайынча ӱнбереечилердиҥ тооломына кийдирери керегинде угузу бичикти айылынаҥ чыкпастаҥ берерин јеткилдеер.

Болгон јери аайынча ӱнбереечилердиҥ тооломына кийдирери керегинде угузу бичикти канайда берериниҥ аайы, келиштирте талдаачы участоктыҥ сурузы ла телефондорыныҥ номерлери керегинде јетирӱлерди аларга, Россияныҥ ЦИК-иниҥ Jетирӱ-справочный тӧс јерине 8-800-707-2018 телефонло, анайда ок Алтай Республиканыҥ Талдаачы кӱреезине 8-388-22-222-34 телефонло баштанар арга бар.

АР-дыҥ Талдаачы кӱреези

ТОП

Јаркынду јол кӱӱнзеген јуун

Кӱчӱрген айдыҥ 17-чи кӱнинде Эл Курултайдыҥ јетинчи тудузыныҥ ээчий XXII сессиязы ӧткӧн. Спикер Артур Кохоев башкарган јуунда 41 депутаттаҥ 38 депутат турушкан. Сессияныҥ ижинде Алтай Республиканыҥ башчызы Олег Хорохордин, онойдо ок эл-тергеелик јаҥныҥ бӱдӱреечи органдарыныҥ, республикада федерал бӱдӱреечи орган-дардыҥ башкартуларыныҥ башкараачылары, муниципал тӧзӧлмӧлӧрдиҥ јаандары ла депутаттар советтериниҥ председательдери, элбек јетирӱлер эдер эп-аргалардыҥ чыгартулу улузы турушкан.

Тергеебисте јолдор јазалат

Кӱчӱрген айдыҥ 16-чы кӱнинде «Чуйдыҥ јолы – Алтын-Кӧлгӧ јетире» федерал трассаныҥ автомобильный јолыныҥ баштапкы эки бӧлӱгиниҥ кӧдӱриҥилӱ ачылтазы ӧтти. Бу учурлу керекте Алтай Республиканыҥ башчызы Олег Хорохордин, Эл Курултайдыҥ председатели Артур Кохоев туруштылар. «Бу јолдыҥ бистиҥ бӱгӱн ачып јаткан текши узуны 14 километр эки бӧлӱги Кызыл-Ӧзӧк, Куташ ла Карасук јурттар ӧткӱре ӧдӧт. Мынаҥ озо бу

Конструктивный диалог с представителями Общественной палаты

Глава Республики Алтай Олег Хорохордин во вторник, 16 ноября, провел рабочую встречу с членами Общественной палаты Республики Алтай. Руководитель региона подчеркнул, что конструктивный диалог с представителями Общественной палаты позволяет детально обсудить и решить много социально значимых вопросов. «Сегодня многое зависит от тесного взаимодействия исполнительных и законодательных органов государственной власти, органов местного самоуправления с представителями общественности.