Александр Бердников таҥынаҥ прием ӧткӱрген

25.05.2018

Кӱӱк айдыҥ 23-чи кӱниниде Алтай Республиканыҥ башчызы Александр Бердников ороонныҥ президенти Владимир Путинниҥ јакыганыла граждандардыҥ сурактарын угар таҥынаҥ туштажу (прием) ӧткӱрген.

Тергеениҥ башкараачызыла јети кижи тушташкан. Улустыҥ баштанган сурактары јадар јер аларыла, су-кадыгын орныктырарыла, јӧмӧлтӧ-болуш сураганыла колбулу болгон.
Ада-Тӧрӧл учун Улу јууныҥ ветераны Михаил Нечаев санаторийге эмденерге путевка алар болуш сураган. Республиканыҥ башкараачызы бу сурак јуук ӧйлӧрдӧ бӱдер деп айткан, ол «Белокуриха» деген санаторийге путевка садып аларга ветеранга акча-манатла јӧмӧлтӧ эдери јанынаҥ јакылта эткен.
Бир канча баштанулар јадатан јер аларыла колбулу болгон, олор ончозы шиҥжӱге алылган. Онойдо, Горно-Алтайскта јаткан јадын-јӱрӱминиҥ айалгалары коомой эје-сыйын болгон улус акчазын тӧлӧп јадар јер (арендага) аларга болуш сураган. Социальный найм аайынча јадар јер берер аргалар керегинде сурак тергеениҥ јаҥында јуук ӧйлӧрдӧ кӧрӱлерин Александр Бердников темдектеген.

Мынайда ок, арендага, јадар јер алар суракла Майма аймакта јаткан ӱч балалу ӱй кижи баштанган, ол билезиле кожо јаткан јери учун акча јал тӧлӧп јатканын куучындаган. Билениҥ уур-кӱч айалгазын ајаруга алып, олорго таҥынаҥ тура тударга јер берери керегинде шӱӱлте јарадылган. «Алтай Республикада кӧп балдарлу билелерге јонјӱрӱмдик јӧмӧлтӧ эдер иштер керегинде» АР-дыҥ јасагы аайынча бу эпши тудум иштерге 100 кубометр агашты јал тӧлӧбӧзинеҥ алар тап-эриктӱ болгонын Александр Бердников айткан.

Билезинде тогус бала чыдаткан Турачак аймактыҥ кижизи автокӧлӱк садып аларга болуш сураган. Билениҥ јаткан айалгазын лаптап сурап, Александр Бердников бу улуска акча-манатла болуш јетирерин айткан.
«Кӧп балдарлу билелерди корыыры ла олорго јӧмӧлтӧ-болуш јетирери —государстволык политиканыҥ тӧс ууламјыларыныҥ бирӱзи. Jӱрӱмниҥ айалгаларын кӱчсинбей балдар азыраган, бистиҥ оронныҥ демографиязын јӧмӧгӧн мындый билелерге болужар керек. Бу биле маала ажын ӧскӱрип, мал-аш тудуп, бойы чырмайып јаткан биле» — деп, тергеениҥ башчызы ајарган.

Горно-Алтайскта јаткан ӱй кижи барказына су-кадыгын орныктырар болуш сурап баштанган. Уулчак эне-адазыныҥ кичеемели јок арткан бала, бир канча ооруларлу ла ого улайын санаторийде јадып эменер керек, јуук улузыныҥ болужы ла кичеемели јогынаҥ ол санаторийде јаҥыскан јадып болбос деп, јааназы јартаган. Александр Бердников бу балага ла оныҥ јааназына путевка алар арганы шиҥдеп кӧрӧр јакылта берген.

Шиҥжӱ некеген сурактар аайынча республиканыҥ башкараачызы келиштире министрлерге ле муниципал тӧзӧлмӧлӧрдиҥ јаандарына тургускан сурактардыҥыҥ аайына чыгып, улуска керектӱ болушты јетирер јакылта эткен. Граждандардыҥ бастыра башитанулары шиҥжӱге алылган.

АР-дыҥ башкарузыныҥ пресс-службазыныҥ јетиргениле.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым