Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Айас теҥери балдарыска

05.06.2018

Быјыл јас орой до болгон болзо, јай чике ле бойыныҥ ӧйинде кичӱ изӱ айдыҥ 1-кы кӱнинде келген деп билдирди. Теҥери айас турганы балдардыҥ байрамына бийик кӱӱн берип, Майма сууныҥ јарадындагы амырар паркта јӱстер тоолу јерлештеристи јууды.

Балдарды корыырыныҥ телекейлик кяӱнине учурлалган «Бала тужыныҥ калазы» деген байрамды Горно-Алтайсктагы Балдардыҥ јайааныныҥ тӧс јери јаҥжыкканы аайынча бийик кеминде ӧткӱрди. Каланыҥ мэры Ю. Нечаев балдарды байрамла, јайдыҥ баштапкы кӱниле, каникулдар башталганыла уткып, јаҥы једимдер ле јакшы амыралта кӱӱнзеди.
Калабысты школдорындагы балдардыҥ јондык биригӱлери кӧдӱриҥини ачып, јуулгандарга ижиниҥ тӧс санаа-шӱӱлтелери, учуры керегинде кыскачак таныштыру-ӱлгерлерин кычырып, кожоҥ кожоҥдодылар. Ӧткӧн јылдыҥ турулталарыла ӱредӱде бийик једимдерге јеткен ле јондык јӱрӱмде эрчимдӱ турушкан балдарга каланыҥ мэрыныҥ стипендязы ла дипломдор табыштырылды. Олор: Э. Анисимова, И. Востриков, С. Ильина, Т. Казазаев, И. Ковязин, А. Койнов, Е. Пенская, О. Пышко, А. Соколова, Э. Танышева, С. Шамахова, Ю. Богомолова, А. Гусев, А. Есипов, Е. Кыпчакова, В. Леонов, Д. Маришина, А. Обухов, А. Самойлова, О. Сафронова, Г. Шамеха. Интеллектуал ла јайаан кӧрӱ-маргаандардыҥ јеҥӱчилдери каланыҥ Тоомјы бичигине кийдирилип, сыйлар алды (А. Гусев, А. Веревкина, А. Самойлова, И. Ковязин). Каланыҥ эҥ артык ӱренеечилериниҥ гильдиязына А. Есипов, В. Шаларь, В. Закутина, Д. Кукуев кирдилер.

Онойдо ок «Бала тужыныҥ калазыныҥ» эҥ артык спортчылары, активисттери дипломдорло кайралдатты. Ада-энелери, ӱредӱчилери, нӧкӧрлӧри бу балдарды изӱ колчабыжула уткып, оноҥ до бийик једимдер кӱӱнзегиледи.
Ачылтаныҥ кайралдар берер бӧлӱгиниҥ кийнинде балдардыҥ «Адамант» деген санат школыныҥ ӱренеечилери кӧрӧӧчилерге јаркынду театрал ойын кӧргӱсти. Мында пираттар, моряктар болуп кийинген јиит артисттер «Адаманттыҥ» кемезин ачтылар. Кийнинде айландыра јуулган болчомдорды јаан кызыл парустарлу кемеге кычырып, бар-јокты коскорып, ойноорго јараду берилген. Мынаҥ ары бу кемени сууда јӱзерге божодор.

Байрамныҥ улалганында јуулгандарды Бала тужыныҥ аллеязында јӱзӱн-башка јилбилӱ ойындар, маргаандар, кӧрӱлер сӱӱндирди. Ӱредӱдеҥ амыралтага чыккан балдарга анчада ла спортивный ойындардыҥ толыгы јилбилӱ болды ошкош: эстафетада јӱгӱрип, канат тартыжып, мячик чачып маргышкан балдардыҥ каткы-табыжы бастыра «калага» угулып турды. Jуучыл-патриотикалык толыктыҥ ишчилери кӱӱнзегендерди автомат-мылтык јууп октоорына ӱреткилеп турды. Оогош болчомдор јуранып, «Аҥ-куштыҥ толыгында» тындуларды ајыктап, сыймап, јӱзӱн-јӱкӱр, конструкторлорло соотоп ойногылады.

Каланыҥ аргачылары байрамга јӧмӧжип, балдар сӱӱген шарлар, мыльные пузыри, тату вата, мороженый экелип саттылар. Аквагримниҥ устары кӱӱнзегендерди кыска ӧйдиҥ туркунына тындулар эмезе чӧрчӧк јериниҥ геройлоры эдип кубултып, балдарга база куулгазын сыйлап турдылар.

Онойдо ок бу кӱн балдарга Гардинка микрорайондогы 2-чи номерлӱ библиотекада «Jети оҥдӱ бала тужым» деп адалган байрам ӧткӱрилген; эл музейдиҥ эжиктери эҥирге јетире ачык болгон. Тӱжӱне автобустарла тӧлӧбӧзинеҥ јорыктаарга јараар болды.
Эҥиргери байрам тӧс тепсеҥде јиит јайалталардыҥ концерттиле тӱгенди.

Э. КУДАЧИНА

ТОП

Итоги спортивных состязаний Эл Ойына-2018

В празднике участвовало более 700 спортсменов и жителей из 11 муниципальных образований Республики Алтай, а также спортсмены и гости из других регионов России: Тывы, Хакасии, Якутии, Новосибирской и Кемеровской области, Алтайского края. Так, в соревнованиях участвовали и именитые спортсмены (Кандидаты в мастера спорта – 31 чел., Мастера спорта России – 31 чел, 4-е Мастера спорта

ПРОГРАММА XVI Межрегионального праздника алтайского народа «Эл-Ойын 2018» урочище Межелик Улаганского района Республики Алтай

28 июня до 17.00 — Заезд участников и гостей праздника 19.00- — Заседание Оргкомитета 20.00-21.30 — Фестивальная программа «От-очокты кӱреелей» (Встреча гостей) (Малая сцена) 29 июня 6.00- — Мӱргӱӱл (обряд освящения) 9.00- — Соревнование «Алтай шатра» 11.00-12.40 -Торжественное открытие и театрализованное представление (Главная сцена) 12.40- — Открытие Выставочного центра (Город мастеров) 13.00-18.45 — Конкурс «Презентация

Россия Федерациязыныҥ президентиниҥ JАРЛЫГЫ

Россия Федерацияныҥ государственный кайралдарыла кайралдаары керегинде