Лагерьлердиҥ ижи-тожы шиҥделет

03.07.2018

«Единая Россия» партияныҥ «Албатыныҥ шиҥжӱзи» ле «Бек биле» деген ӱлекерлериниҥ туружаачылары тергеениҥ балдардыҥ јайгы лагерьлеринде јеткер болдыртпазыныҥ ээжи-некелтелерин канайда бӱдӱрип турганын шиҥдеп кӧрӧт.

«Единая Россияны» јӧмӧӧчилер, партияныҥ ӱлекерлериниҥ эрчимдӱ туружаачылары, јиитгвардеецтер балдардыҥ су-кадыгын орныктырарыныҥ лагерьлеринде элбек кемдӱ јондык шиҥжӱ ӧткӱрет. Бу иштер ороон ичинде кичӱ изӱ айдыҥ 1-кы кӱнинеҥ ала ӧдӧт. Партияныҥ ӧрӧ адалган эки ӱлекериниҥ туружаачылары ол сурак јанынаҥ мониторингти ороонныҥ 85 субъегинде ӧткӱрип туру.

«Албаты шиҥжӱниҥ» Алтай Республикада координаторы, тергеениҥ баш санитарный врачы Леонид Щучиновтыҥ айтканыла, балдардыҥ јайгы амыражын тӧзӧп, ӧткӱрип турган бастыра лагерьлер ле школдордогы учреждениелер андый шиҥжӱни текши ижин баштаар алдында ӧдӱп јат. «Кандык-кӱӱк айларда Роспотребшиҥжӱ балдардыҥ тергеедеги бастыра лагерьлеринде комплексный шиҥжӱ ӧткӱрген болгон. Балдардыҥ јайгы амыралтазы башталар алдында, ол лагерьлер ле учреждениелер ижин санитарно-эпидемиологический ээжи-некелтелерге келиштирте тӧзӧӧри јанынаҥ тӧзӧмӧлдӱ иш-керектер ӧткӱрген болгон. «Единая Россияныҥ» мониторинги ӧткӱрилип турганыныҥ амадузы, шылтагы балдарла јеткер-неме болбозын јеткилдеериле чике колбулу» — деп, ол айткан.

Баш санитарный врачтыҥ аҥылаганыла, улустаҥ кандый бир комыдал болзо, олордыҥ службазы олорды ајаруга алып, аайлаштыру ууламјылу тӱрген-тӱкей иштер ӧткӱрет.

Jондык шиҥжӱниҥ активисттери бу јуукта каладагы балдардыҥ «Космос» деген лагеринде шиҥжӱ иш ӧткӱрген. Лагерьдиҥ туралары, ашканазы ла ӧскӧ дӧ јерлери шиҥделип кӧрӱлген. Мындагы айалгалар текши ээжи-некелтелерге келижип турганын шиҥжӱ ӧткӱрген улус темдектеген.

Активисттердиҥ айтканыла, лагерьлерде шиҥжӱ ӧдӧри керегинде јетирӱлер олордыҥ башкартуларына озолондыра эдилет. Албаты шиҥжӱниҥ улузы шиҥжӱ ишти канайда ӧткӱрери јанынаҥ аҥылу ээжилер тургузылган.
Партияныҥ «Бек биле» деген ӱлекери билени ле билелик байлыктарды тыҥыдарына ууландырылган. Оныҥ тӧс ууламјызы — балдарга јарамыкту айалгалар тӧзӧӧри. Анайда ок јиит билелерди, РФ-тыҥ Президентиниҥ демографиялык ууламјы јанынаҥ баштаҥкайларын бӱдӱрерин јӧмӧӧрине јаан ајару эдилет. Ӧскӱс балдарга, ада-энезиниҥ тап-эригин мынаҥ озо арай болзо јылыйтпаган билелерге база јӧмӧлтӧ-болуш эдилет.

ОНФ-ныҥ АР-дагы тергеелик бӧлӱгиниҥ исполкомы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина