Ӱнбериштиҥ калганчы бӧлӱги башталды

16.11.2018

Кӱчӱрген айдыҥ 13-чи кӱнинде АР-дыҥ Јондык палатазы Горно-Алтайсктыҥ аэропортына ат адаары јанынаҥ конкурсла колбой Албатылар најылыгыныҥ туразында пресс-конференция ӧткӱрди.

Ороонныҥ 45 аэропортына тоомјылу россияндардыҥ адын адаары јанынаҥ конкурстыҥ ӱчинчи бӧлӱги тӱгенген. Алтай Республиканыҥ јондык палатазыныҥ јааны Татьяна Кончева, «Јеҥӱниҥ волонтерлоры» деген кыймыгуныҥ тергеелик бӧлӱгиниҥ башкараачызы Вадим Фефелов журналисттерге ӱнбериштиҥ тӧртинчи бӧлӱгине јурукчы Николай Рерихтиҥ, јурукчы ла јондык ишчи Григорий Чорос-Гуркинниҥ, Советский Союзтыҥ Геройы Илья Шуклинниҥ ады-јолдоры чыкканын ла ӱнбериштердиҥ ӧдӧр аайын чокымдадылар.

Јерлештеристе кӱчӱрген айдыҥ 12-чи кӱнинеҥ ала 30-чы кӱнине јетире калганчы бӧлӱк ӱнбериштерде туружар бир канча аргалар бар. Кажы ла кижи ӱнин «бир ӱн — бир аэропорт — бир ат» деген аайыла ВеликиеИмена.рф сайт, јондык «ВКонтакте» (https://vk.com/app6745571), «Одноклассники» (https://ok.ru/game/1272668672 бӱктер эмезе «изӱ линияныҥ» телефоны ажыра (8-800-707-93-17) берер аргалу. Чынынча айтса, тыҥ кӱӱнзеген кижи бу эп-аргаларды ончозын да тузаланып, аэропортты адаарында турушкадый.

Интернетти тузаланбай тургандарга анкетирование ӧткӱрилер. Јеҥӱниҥ волонтерлоры ол аайынча кажы ла кӱн Горно-Алтайсктыҥ ла Майма аймактыҥ башка-башка јерлеринде иштеер. Волонтерлор онойдо ок аэропортко барып, ары-бери учуп јорыктагандарга анкетирование ӧдӧр арга тӧзӧӧр. Горно-Алтайсктагы госуниверситетте студенттерге, ӱредӱнеҥ ыраабай, ӱнбериште туружар арга база берилер.

Ӱнбериштердиҥ турулталары кыска ӧйдиҥ бажында кӧрӱлип, чоттолып, јаантайын јаҥыртылып, ӱлекердиҥ сайтында кӧргӱзилер.

Алтай Республиканыҥ эл-јоны бу ӱлекерле јилбиркеген, ондо турушкан, ӱнин берген улустыҥ тоозыла бу јуукта ороон ичинде баштапкы јерде болды. Јерлештеристи мынайып ла ок, бӱгӱнги ӱнбериштерде эрчимдӱ турушсын деп кычырадыс.

Э. КУДАЧИНА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым