Jайрадылбай иштеер амадулу

27.11.2018

Кан-Оозы аймакта јаан ла озочыл јуртээлемдик ӧмӧликтердиҥ бирӱзи — «Јабаган» СПК. Анда уй кабыраачылардыҥ бригадири болуп мундус сӧӧктӱ Александр Тайтаков иштейт.

Ол бу ишке 1989 јылда келген. «Јабаган» СПК уйларын бӱгӱн тӧрт башка турлуда тудат. Ӱчӱзинде јӱс уйдаҥ болзо, тӧртинчи турлуда јӱс бежен уй. Александр Бербешевич шак ла ол турлуда иштейт. Оныҥ айтканыла болзо, азыралды бойлоры да, СПК да белетейт. Быјыл ӧлӧҥ эмеш ас белетелген. Саранча деген неме табылганы коомой салтарын јетирет. Техника јеткил, бойындыйы да, СПК-дыйы да бар.

— Кышка азыралды аргабыс јеткенче ле белетегенис. Мал-ашты чеденде азыраарын баштап ийдис. Комбикорм алып, кышты чыгарыс деп иженедим. СПК да болужар – деп, Александр айткан.

Уй кабыраачылардыҥ бригадириниҥ айтканыла, јеҥил эмес иш учун алып турган ишјалыныҥ кеми ас эмес. Турлу јурттаҥ он километр ыраакта турат. Кыш ӧйинде кӱртеп салганда, ары јаҥыс тракторлу једерге келижет. Керектӱ кажаан-чеден бастыразы бар. Ээлем 100 уйдаҥ 80-82 бозудаҥ алат. Темдектелген планды бӱдӱрип турганы учун «Јабаган» СПК-ныҥ уй кабыраачыларыныҥ бригадири Александр Тайтаков Алтай Республиканыҥ јурт ээлем аайынча министерствозыныҥ Кӱндӱлӱ грамотазыла, сый-акчала кайралдаткан.

«Јабаган» СПК-да аҥ да, кой до, јылкы да бар. Ӧскӱрип турган койлоры укту болгонын темдектеер керек.

Александр Бербешевичтиҥ балдары калада јадып иштеп турган эмтир. Бӱгӱн кӧп тоолу СПК-лар јайрадылып турарда, «Јабаган» СПК-ныҥ ишчилери, бастыра ла јербойыныҥ улузы, тӧрӧл ээлемин јайратпай, иштеер амадулу.

Адакыда Александр: «Аймакта эки ле СПК арткан, бойыстыйын јайрадарга бербей, иштеерис» – деп айткан.

К. Куртов

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина