Jашӧскӱримниҥ jуучыл-тӧрӧлчи таскамалы

27.11.2018

Культураныҥ Кан-Оозы јурттагы туразында јондык организациялардыҥ ла јаҥдардыҥ јашӧскӱримди тӧрӧлчи кӱӱнге таскадары аайынча ӧмӧ-јӧмӧлик ижи керегинде јондык кычырыштар ӧтти. Бу керекти Алтай Республиканыҥ Јондык палатазы баштап ӧткӱрди.

Ондо Россия Федерацияныҥ Јондык палатазыныҥ качызыныҥ ордынчызы Александр Точенов, АР-дыҥ Башкарузыныҥ председателиниҥ ордынчызы Григорий Пильтин, АР-дыҥ Эл Курултайыныҥ председатели Владимир Тюлентин, АР-дыҥ ичбойындагы керектер аайынча министри Павел Гаврилин, Россияныҥ ФСБ-зыныҥ АР-дагы погран башкартузыныҥ јааны Александр Кайгородов, АР-дыҥ прокуроры Виктор Мылицын, АР-дыҥ национальный политика ла јондыкла колбулар аайынча комитединиҥ председатели Людмила Варванец, «Кан-Оозы аймак» муниципал тӧзӧлӧмниҥ јааны Эжер Ялбаков, АР-дыҥ Јондык палатазыныҥ председатели Татьяна Кончева, «Кан-Оозы аймак» муниципал тӧзӧлмӧниҥ администрациязыныҥ, аймактыҥ јондык организацияларыныҥ чыгартулу улузы турушты.

Јондык кычырыштардыҥ туружаачыларын Григорий Пильтин уткып, ӧзӱп јаткан ӱйелерди ле јашӧскӱримди јуучыл-тӧрӧлчи кӱӱнге ле культурага таскадары, спортко тазыктырары Алтай Республиканыҥ башкарузыныҥ, тергеениҥ башчызы Александр Бердниковтыҥ бойыныҥ ижиниҥ эҥ учурлу иштериниҥ бирӱзи болуп јат деди. Григорий Николаевичтиҥ айтканыла, Туулу Алтайдаҥ јууга атангандардаҥ 25 јуучыл Совет Союзтыҥ Геройыныҥ бийик адын адаткан, олордыҥ тӧртӱзи Кан-Оозы аймактыҥ улузы. Јерлеш-геройлордыҥ ат-нерезиниҥ јозогыла јашӧскӱримди таскадары јаан учурлу.

Республикан парламенттиҥ спикери Владимир Тюлентин туштажуныҥ туружаачыларына баштанып, јашӧскӱримди таскадары государствоныҥ ӧзӱминде јаан учурлу керек деп чокымдады. «Тӧрӧлчи кӱӱнниҥ бириктиреечи идея-аргазы јашӧскӱримди бастыра јанынаҥ таскадарында сӱреен керектӱ. Јондык ишчилер бойыныҥ амаду-идеяларыла, шӱӱлтелериле јаантайын аҥыланат. Јаҥныҥ органдары дезе ол баштаҥкайларды бӱдӱрерин јеткилдеер аргаларлу» – деп, Владимир Николаевич айтты.

Уткуулду сӧзин РФ-тыҥ Јондык палатазыныҥ качызыныҥ ордынчызы Александр Точенов ло АР-дыҥ Јондык палатазыныҥ председатели Татьяна Кончева айттылар.

«Јондык организациялардыҥ ла јаҥныҥ ӧмӧ-јӧмӧлик ижи керегинде» деп докладтарды АР-дыҥ национальный политика ла јондыкла колбулар аайынча комитединиҥ председатели Людмила Варванец, республиканыҥ прокуроры Виктор Мылицын ла јууныҥ, иштиҥ ле тап-эриктер корыыр органдардыҥ республикан совединиҥ председатели, АР-дыҥ Журналисттер биригӱзиниҥ председатели, АР-дыҥ Јондык палатазыныҥ турчызы Борис Алушкин эттилер.

«Кан-Оозы аймак» муниципал тӧзӧлмӧниҥ јондык биригӱлериниҥ тӧргизиниҥ председатели Александр Матыков Кан-Оозы аймактыҥ јондык организацияларыныҥ јербойында башкарынарыныҥ органдарыла колбулары керегинде куучындады.

Ӧскӱстердиҥ ле ада-энезиниҥ кичемеели јок арткандардыҥ Г. К. Жуковтыҥ адыла адалган школ-интернадыныҥ директоры Виктор Затеев ле АР-дыҥ МВД-зыныҥ министри Павел Гаврилин јаба керектерди ӧткӱрер ченемелле ӱлештилер. Кан-Оозында орто ӱредӱлӱ школдыҥ, Кан-Оозы ла Кӧксуу-Оозы аймактардыҥ јайаандык ӧмӧликтери, Россияныҥ ФСБ-зыныҥ АР-дагы погран башкартузыныҥ «Форпост» вокал группазы, АР-дыҥ нерелӱ артизи Добрыня Сатин ойын-концерт кӧргӱстилер. Кан-Оозы аймактыҥ јуучыл-тӧрӧлчи клубтарыныҥ ӱренеечилери бойыныҥ ижи-тожы керегинде кӧрӱ тургустылар, кадеттер кӧдӱриҥилӱ айалгада черт бердилер.

АР-дыҥ эл политика ла јондык колбулар аайынча комитеди

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина