Алтайдын Чолмоны

«РОБОКИТ» — кайкамчылу телекей

27.11.2018

Балдардыҥ ӱзеери ӱредӱзиниҥ республикан тӧс јеринде кӱчӱрген айдыҥ 16-чы кӱнинде информатиканыҥ «РОБОКИТ» деген талалык билим-практикалык конференция ӧтти.

Конференцияда республиканыҥ ӱредӱлик организацияларыныҥ, ӱзеери ӱредӱликтиҥ, орто профессионал ӱредӱниҥ, бийик ӱредӱниҥ ӱренчиктери, ӱренеечилери ле ӱредӱчилери эрчимдӱ туруштылар. Туружаачылардыҥ текши тоозы тӧртӧннӧҥ ажыра болды.

Јаҥжыкканы аайынча јылдыҥ ла ӧткӱрилип турган конференцияныҥ амадузы — таланыҥ ӱренчиктерин, ӱренеечилерин ле ӱредӱчилерин информатика, ИКТ ла робототехника деген бӧлӱкте ӱлекерлер тургузарына, шиҥжӱлӱ јайаандык тӧзӧгӧлӱ ишле јилбиркедери. Онойдо ок јайаандык ишти ичкери ӧскӱрери деп айдар керек. Келер ӧйдиҥ улузы бӱгӱнги кӱнде билим ууламјылу, бедиреништӱ, шиҥжӱлӱ ишле јилбиркеп, ӱлекерлерди тургузып, јӱрӱмде тузаланарына амадазын, иштезин.

Шак бу јилбилӱ бӧлӱкте јайалталу, соныркак балдарды илелеп, бедиреништӱ, ченелтелӱ ижинде оноҥ ары таскадып кӧндӱктирери јаан учурлу. Јеткен једимдериле болорзынбай, јииттер оноҥ ары турумкай јӱткизин. Јакшынак јаҥжыгу болуп улалып јаткан конференция ӱренчиктердиҥ, ӱренеечилердиҥ ле ӱредӱчилердиҥ солун, јаҥы иштериле таныштырат. Информатика, ИКТ ла робототехника аайынча билим-шиҥжӱлӱ ишти билгир тӧзӧп, једимдӱ иштеп јаткан ӱредӱлик учреждениелердиҥ байлык ченемелиле таныштырары, бастыра јанынаҥ толо кӧргӱзери база јаан учурлу керек болуп јат.

Конференцияныҥ туружаачыларын Алтай Республиканыҥ ӱредӱ ле билим аайынча министерствозыныҥ бӧлӱгиниҥ јааны Наталья Каменева уткып, јайаандык ижинде олорго једимдер, јеҥӱлер кӱӱнзеди.

Талалык конференцияныҥ ижи прикладное программирование, ИКТ ӱредӱликте (ӱредӱчилер), компьютерный моделирование, компьютерный анимация, робототехникалык ӱлекерлер деген беш секцияла ӧтти. Мында туружаачыларга бойлорыныҥ белетеген јетирӱлериле, ӱлекерлериле таныштырар, онойдо ок бой-бойыла таныжар, куучындажар јарамыкту, эптӱ айалга болды. Керсӱ, шымды, јилбиркек балдар бийик технологияла иштеп, программисттердиҥ, инженерлердиҥ јолын шак мындый конференциялардаҥ баштап кӧндӱгет. Цифровой экономиканыҥ јӱрӱмдеги баштапкы алтамдары мындый јайаан иштеҥ башталат деп айдарга јараар. Билимдеги баштапкы ченелтелерин олор мындый туштажуларда ӧмӧ-јӧмӧ шӱӱжет. Мында јуулгандар кӧп тоолу ачылталардыҥ учурын, тӧзӧгӧзин, турултазын лапту јазап шӱӱштилер.

Јайаан иштерди окылу жюри беш бӧлӱк аайынча кыракы шиҥдеп, угуп баалады. Талалык билим-практикалык конференцияныҥ турулталарыла јеҥӱчилдердиҥ ады-јолдоры адалды.

Прикладной программирование

1-кы јер. Иван Панов — «Частотный анализатор текста» (3-чи таҥмалу гимназия, кала), Карина Янинова — «Создание игры в Scrаtche» (13-чи таҥмалу школ, кала).

2-чи јер. Артем Янинов, Екатерина Саплинова — «Создание анимации в стиле анима в среде программирования Scrаtche» (3-чи гимназия, кала), Ярослав Малков — «Применение VBA— макросов для интеграции Microsoft Exel и Access» (3-чи гимназия, кала).

ИКТ ӱредӱликте (ӱредӱчилер)

1-кы јер. Юлия Петровна Попова, Елена Олеговна Алятина — «Использование редактора курсов в учебной системе Кумир) (3-чи гимназия, кала)

2-чи јер. Аяна Георгиевна Шалтагачева — «Инфографика» (13-чи школ)

Модельдерди компьютерле

1-кы јер. Дмитрий Хаитов, Мария Ширина — «3Д моделирование инфраструктурных архитектурных объектов» (6-чы лицей); Андрей Семелинов, Станислав Каракчеев (12-чи школ); Снежана Джадранова — «Моделирование фракталов в среде кумир» (13-чи школ)

Анимацияны компьютерле

1-кы јер. Екатерина Попова — «Моя первая работа в анимации» (Маймадагы балдардыҥ јайаандыгыныҥ тӧс јери); Полина Фоменко — «Анимация — это интересно» (Маймадагы тӧс јер)

2-чи јер. Полина Петунина — «Векторная графика» (12-чи шк.); Полина Воротникова — «Сказка «Колобок» (12-чи шк.)

3-чи јер. Владимир Таныгин — «Добро» (школ-интернат)

Робототехникалык ӱлекерлер

1-кы јер. Тимофей Фомкин, Макар Толщин — «Вездеход» (6-чы лицей); Артемий Маклаков, Вадим Савенко, Максим Шалагин — «Умный мусорный бак» (Турачактагы балдардыҥ јайаандыгыныҥ тӧс јери); Арам Асатрян— «Говорит Саймон» (1-кы школ), Богдан Гупало (ресгимназия)

2-чи јер. Екатерина Табакаева, Павел Кудачинов — «Спирограф» (6-чы лицей); Дмитрий Мерзляков, Данил Шубин (РЦДО); Даниил Сафронов — «Кнопочные ковбои» (1-кы шк.); Диана Судоплечева — «Метеостанция» (12-чи шк.)

3-чи јер. Егор Евтеев — «Робот-спасатель» (6-чы лицей), Данил Фефелов — «Создание детской игрушки на дистанционном управлении на платформе Arduino UNO», Станислав Каракчеев — «Мусоросборочный робот Валли» (2-чи школ).

«РОБОКИТ» деген талалык билим-практикалык конференцияныҥ кӧдӱриҥилӱ јабылтазында јеҥӱчилдерге дипломдор кӧдӱриҥилӱ айалгада табыштырылды.

К. ПИЯНТИНОВА