Эл-jонло туштажу ӧткӧн

04.12.2018

«Единая Россия» партияныҥ 17-чи јылдыгына учурлай ӧткӱрилип турган туштажулардыҥ неделези ӧйинде оныҥ председатели Д. Медведевтиҥ Горно-Алтайсктагы јондык приемныйында АР-дыҥ Эл Курултайыныҥ председатели Владимир Тюлентин, АР-дыҥ башкарузыныҥ председателиниҥ баштапкы ордынчызы Роберт Пальталлер ле АР-дыҥ Эл Курултайыныҥ јонјӱрӱмдик корулаш ла эл-јонныҥ су-кадыгын корулаары аайынча комитединиҥ председатели Наталья Никитенко эл-јонло туштажулар ӧткӱрген.

Туштажуга келген улус кӧбизинде јонјӱрӱмдик сурактарла баштанган. Кош-Агаш аймактыҥ Кӧкӧрӱ јуртыныҥ эл-јоны јуртта школды ла пищеблокты јаҥыртар иштер качан тӱгенериле јилбиркеген. «Школдо 186 бала ӱренет. Је јерсилкиништиҥ кийнинде јаҥыртулу иштер удай берди», – деп, јурт јаткандар јетирген. Онойдо ок јуртта депо ло ӧрт ӧчӱрер пост тудулат, ондо канча кижи иштеер деген сурак тургускандар. 2019 јылда Оҥдой јуртта аргадаачы служба тӧзӧлӧр, ондо «бош» арткандар Кош-Агаш аймакка барып иштеер деген каруу болгон. Тургуза ӧйдӧ республикада ондый 19 объект тудулат.

Горно-Алтайсктыҥ Кайас микрорайонында Рассветная, Ленинградская оромдордыҥ ла Зыбкий переулоктыҥ эл-јоны сууӧткӱш качан болор деп сурак берген. Тӧс сууӧткӱштиҥ ыраагы 900 метр, ого јетире кенек те, кӧп балдарлу билелерге де, каргандарга да барарга кӱчке келижет. Каланыҥ администрациязында бу сурак шиҥжӱде турганы јарталган. Озо баштап ӱлекер-сметный документтер јазаар керек болуп јат. Сууӧткӱштиҥ бодоштыра баазы 3,5 млн. салковой болор.

Владимир Тюлентин бу сурактыҥ аайына чыгары сӱреен учурлу деп, каланыҥ ла республиканыҥ депутаттарына келер ӧйдиҥ тергеелик ле каланыҥ бюджеттерин јаратса, бу суракка ајару эдерин айткан.

Майма районныҥ эл-јоны Майма сууны кечире јойу улус јӱрер кӱрди орныктырары керегинде суракла баштангандар. Олор бу суракла јурттыҥ да, аймактыҥ да јаандарына кӧп катап баштанган болуптыр. Кӱрди јазабаза, балдардыҥ јӱрӱмине чочыду болоры јарт. Олор ӧйди кымакайлап аларга тошло кечип турулар. Онойдо ок суу тоҥуп, кӱрдиҥ тӧҥӧштӧрин тош былчыйт. Јаан улуска дезе ӧскӧ јердеҥ барып кечерге келижет. Р. Пальталлер бу суракты билерин айдып, АР-дыҥ тергеелик ӧзӱминиҥ министерствозы ла Майма аймактыҥ администрациязы кӱрди јазаарына акча-манат чыгарары керегинде јӧптӧжӱ тургусканын јетирген. Айдарда, аймактыҥ ла республиканыҥ бюджеттеринеҥ бу ишке 3 млн. 140 муҥ салковой чыгарылган. Ӱлӱрген айда аукцион ӧткӧн лӧ оны «Прагма-04» ООО ойноп алган. Кӱр јаҥар айдыҥ 20-чи кӱнине јетире табыштырылар.

Туштажуны ӧткӱреечилерге куурмакчылардыҥ кылыгынаҥ улам квартира јок арткан биле баштанган. Олор јаргы ажыра нени де керелеп болбогон. Куурмакчылар эмди катуныҥ јеринде. Бу сурак шиҥжӱге алынган.

Шабалин аймактыҥ кижизи, РФ-тыҥ иштиҥ ветераны јаан оорузын эмдеерге Горно-Алтайскка кӧчкӧн. Ого јонјӱрӱмдик учурлу јадар јер керек. Бу кижиге угузу бичизин ле очередьке турзын деген шӱӱлте эдилген.

АР-дыҥ Эл Курултайыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина