Медjеткилдешти — ӧйдиҥ некелтелериле

18.12.2018

Бу јуукта АР-дыҥ Эл Курултайыныҥ Тӧргизиниҥ јууны парламенттиҥ председателиниҥ болушчызы Михаил Тереховтыҥ башкарганыла ӧткӧн.

Јуунда тӧс суракла медјеткилдештиҥ арга-айалгалары кӧрӱлген. Бу јанынаҥ јетирӱни АР-дыҥ су-кадыкты корыыры аайынча министриниҥ молјуларын удурумга бӱдӱреечи Валентина Мунатова эткен. Оныҥ айтканыла, бистиҥ тергееде республикан Минсу-кадыктыҥ башкартузына кирип турган 29 организация иштейт. Анайда ок участковый 10 эмчилик, 18 јурт врачебный амбулаториялар, 133 ФАП эл-јонныҥ су-кадыгын корыырын јеткилдейт.

2018 јылда тузаланарына 1 јурт врачебный амбулатория ла 4 ФАП табыштырылган. Майма аймактыҥ эмчилигиниҥ экинчи бӧлӱгин учына јетирер иш удабас тӱгенер. Анайда ок Майма јуртта врачебный практиканыҥ офизи ачылган, андый ок офисти Кызыл-Ӧзӧк јуртта ачары темдектелип калган.

«Бис «Су-кадыкты корыыры» деген нацӱлекерге киргенис, оны бӱдӱрери јанынаҥ иш 7 ууламјы јанынаҥ ӧдӧр. Бу иштердиҥ шылтузында медицинаныҥ учреждениелериниҥ материально-техникалык тӧзӧлгӧзи тыҥыдылар, 340 миллион салковой акча балдардыҥ республикан эмчилигиниҥ экинчи бӧлӱгин тударына чыгарылып калган» — деп, докладчик темдектеген.

Оныҥ айтканыла, 7 миллион салковой акча Јайлу, Кујурлу јурттарда модульный ФАП-тар тударына чыгарылар. Анайда ок мындый ФАП Саратан јуртта болор.

«Чебер поликлиника» деген федерал ӱлекерде бистиҥ тергее база туружып турганыныҥ шылтузында балдардыҥ поликлиниказыныҥ туразын јазаары планга кийдирилип калган. Бу иш тӱгензе, Ленкинниҥ оромындагы бу поликлиника јаантайын иштеер јерине кӧчӧр.

Валентина Юрьевна эл-јонды эмдерле јеткилдеери керегинде айдып тура, бӱгӱн бу сурак јанынаҥ курч айалга турбайт деген. Мындый айалга болорына эмдерле јеткилдешти конкурсный тӧзӧлгӧ ажыра ӧткӱргени камаанын јетирген. «Керектӱ эмдер артыкташ белетелген, јеҥилтелерлӱ улусты эмдерле јеткилдееринде ӱзӱктелиш болбос. 2019 јылдаҥ ала кату ооруларды эмдеерине 250 миллион салковой акча алты јылга берилген, бу акчала керектӱ јазалдар садып алылар. Анайда ок бистиҥ тергее јӱрек-тамыр ооруларла тартыжарыныҥ ла санитарный авиацияны ӧскӱрериниҥ федерал ӱлекерлеринде база туружат» — деп, ол айткан.

Медјеткилдешле колбулу курч сурактар јербойында база бар, ол тоодо эмчиликтерди кадрларла јеткилдеери јанынаҥ сурак калганчы ӧйдӧ там ла курчый бергени јуунда темдектелген.

Текши алза, јуунда су-кадыкты јеткилдеериниҥ сурактары текшилей кӧрӱлген. Шӱӱжӱде АР-дыҥ депутаттары эрчимдӱ турушкан.

Анайда ок бу јуунда парламенттиҥ Кӱндӱлӱ грамотазыла озочыл иштӱлерди кайралдаары керегинде сурак база кӧрӱлген.

АР-дыҥ Эл Курултайыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина