Сахалинде алтай јаҥар јайылган

15.02.2019

Алтайдыҥ калыктары бойыныҥ Чага байрамын сӱӱйт ле кайда ла темдектейт. Быјыл кочкор айдыҥ 10-чы кӱнинде Тӱштӱк-Сахалинскте јадып ла иштеп јӱрген алтайлар тӧрӧл јеринеҥ ыраакта да болзо, байрамын нак ӧткӱрген. Байрамда 130-таҥ кӧп кижи болгон.

Амыраар кӱнде кӧп улус иштебеген болзо, Чагада улус оноҥ до кӧп болор эди. Байрам кӱн чыгардаҥ ала башталып, темирјолчылардыҥ Культура туразында улалган. Јуулган улусты алтай јерлежӱниҥ јааны
В. К. Чадаев уткыган. Ончо јерлештерине эҥке-тоҥко, кирелтелӱ јыл, Сахалин ортолыкка келген амадуларына јетсин деп кӱӱнзеген. Оноҥ бу статьяныҥ авторы алкыштар айткан:

Чага, Чага, Ак Чага

Алтап келди биске,

Бала-барка чыдазын,

Алтай јоныс кӧптӧзин!

Алтай Республиканыҥ гимни ойногон кийнинде байрамды ӧткӱреечилер Э. Айбыкова ла Р. Туганбаев байрамды ачтылар. Бистиҥ алкышту јаҥар кожоҥыс анчада ла Чагада мӱргӱӱл айтканыстый угулат.
З. Абакаева, З. Темденова, И. Санакаева албаты-јонго амыр-энчӱ, јеткил јадын-јӱрӱм сурап јаҥарлаганы јӱректериске аҥылу томулган. Оргончы сӧӧктӱ Алексей Баграчин «Алтайым», «Јаҥы јыл» деп кожоҥдорын сыйлаган. Онойдо ок кыдат кожоҥдор сыыладып, кӧп улусты бијелеткен де. «Аҥчыныҥ тӱжи» деп ойында ар-бӱткенди корыыры керегинде сурак кӧдӱргендер. В. Крачнакова чалканду тилле Тӧрӧлине, јуук улузына сӱӱш керегинде кожоҥдогон. М. Тадыров гитарала јакшы кӱӱлер ойногон. Байрамныҥ айылчылары, Татарстанныҥ албаты ансамблиниҥ улузы, албаты-јонды сӱӱнчилӱ кожоҥдорыла кӧкӱткен.

Спорт бӧлӱкте алтай кӱреш, шатра, тебек, камчы согуш болгон. «Абсолюткада» С. А. Бачишев (тазыктыраачызы Ю. Н. Тадышев) јеҥген. А. Г. Ультуркеев эрчимдӱ туружып, тебекте ле камчы согушта јакшы кӧргӱзӱлерге јеткен.

Јаҥы јылдыҥ сыйлары база ойнолгон, туружаачылар электрочӧйгӧн, фендер, јууркандар, мультиварка ла айылда керектӱ ӧскӧ дӧ не-немелер ойноп алган. Байрамды тӧзӧп ӧткӱрген улус оны бастыра јанынаҥ јакшы белетегени билдирлӱ: јаан зал, кӱӱлик јепселдер, байрамдык столдо кӧчӧ ичиш. Онойып байрам байлык программала 5 саатка улалып, улус кӧдӱриҥилӱ санаа-кӱӱндӱ ле келер ӧйдӧ Алтайына амыр-энчӱ јанарына јаан иженчилӱ таркаган.

О. БАБАНДЫЕВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым