Айалга оҥдолот

04.06.2019

Кӱӱк айдыҥ 27-чи кӱнинде АР-дыҥ Государственный Јууны–Эл Курултайдыҥ президиумыныҥ ээчий јууны ӧткӧн.

Спикер Владимир Тюлентин башкарып ӧткӱрген јуунда республиканыҥ депутаттары, министрлер ле ведомстволордыҥ башкараачылары турушкан.

АР-дыҥ Эл Курултайыныҥ «Алтай Республиканыҥ 2018 јылга ла темдектелген 2019 ла 2020 јылдарга республикан бюджеди керегинде» Алтай Республиканыҥ јасагы керегинде» јакааны канайда бӱдӱп турганы аайынча јетирӱни АР-дыҥ башкарузыныҥ председателиниҥ ордынчызы, АР-дыҥ акча-манат аайынча министри Ольга Завьялова эткен.

«Республикан бюджеттиҥ кирелтелӱ бӧлӱгин кӧптӧдӧри аайынча иш тӧс тема болуп јат. Бу иш системно ӧткӱрилет. Тергеебис дотационный, тургуза ӧйдӧ оныҥ кеми 53,8 процент болуп јат. Бу кӧргӱзӱни 46 процентке јетире јабызадар деген амаду турат. 2018 јылда кирелтелерле ӧткӱрилген иштиҥ турултазыла 6344 миллион салковой кӧргӱзӱ болгон болзо, 2021 јылга 9334 миллион салковой болор учурлу» — деп, министр айткан.

Ольга Завьялова 2018 јылда кандый ууламјыларда республикан бюджеттиҥ кирелтелерин кӧптӧдӧри аайынча иштер ӧткӧнин чокумдаган: јарамыкту эмес, јабызадылган каландарды токтодоры керегинде, АР-дыҥ госар-јӧӧжӧзин 2018 јылга ла темдектелген 2019 ла 2020 јылдарга приватизировать эдер план канайда бӱдӱп турганы керегинде, Алтай Республиканыҥ муниципал тӧзӧлмӧлӧриндеги акча-манат айалганыҥ јаантайынгы шиҥжӱзин ӧткӱрери керегинде, ӱредӱниҥ, культураныҥ, спорттыҥ, јашӧскӱрим политиканыҥ ӧзӱмине ууламјылалган федерал государственный программаларга кирери аайынча ишти эрчимдедери керегинде ле оноҥ до ӧскӧлӧри.

Бу суракты шӱӱжеринде депутаттар Вячеслав Уханов, Аскар Тулебаев, Владимир Тюлентин, Геннадий Сумин турушкан.

АР-дыҥ Эл Курултайыныҥ акча-манат, калан ла экономикалык политика аайынча комитединиҥ председателиниҥ ордынчызы Укмет Альпимов эткен докладында сурак 2019 јылдыҥ баштапкы јарымјылдыгында кӧрӱлип јатканын угускан. 2018 јылга ла темдектелген 2019 ла 2020 јылдарга республикан бюджетти јӧптӧр алдында Эл Курултайда 18 јуун ӧткӧн. Бу јуундарда 76 тӱп-шӱӱлте эдилген ле олордыҥ кӧп сабазы республикан бюджеттиҥ ӱлекери шӱӱжилер тушта чечилген.

Бойыныҥ куучыныныҥ учында парламентарий АР-дыҥ Эл Курултайыныҥ јакаанын шиҥжӱдеҥ алзын деген.

Президиумныҥ оноҥ арыгы ижинде депутаттар бир канча јакаан јӧптӧгӧндӧр. «Алтай Республиканыҥ Государственный Јууны–Эл Курултайдыҥ 2019 јылдыҥ экинчи јарымында ӧткӱрерге темдектеп алган ижи керегинде» јетирӱни парламенттиҥ председателиниҥ ордынчызы Михаил Терехов эткен.

Эл Курултайдыҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина