Байрам јӱректе башталат

18.06.2019

Эмчилер качан да амырабайт ошкош. Је профессионал байрам су-кадыкты корыырыныҥ бастыра ишчилерине учурлу болгонын, оны олор сакып ла ого белетенип турганын темдектеер керек. Не дезе, ол коллегаларла туштажып, куучындажар јакшынак арга берет. Кичӱ изӱ айдыҥ баштапкы јарымы медицина бӧлӱгиниҥ ишчилерине кӧдӱриҥилӱ толкуда, кайда да јӱректе башталып турган байрам болор сакылтала ӧткӧн. Оноҥ ло уткуулдар келген, кӧп ишчилер кӱндӱлӱ кайралдарла кайралдаткан. Медицинаныҥ ишчизиниҥ кӱнине учурлалган кӧдӱриҥилӱ керек-јарак П. В. Кучияктыҥ адыла адалган эл театрда ӧткӧн.

Тергеениҥ эҥ јаан медорганизациязыныҥ – республикан эмчиликтиҥ ишчилери бойыныҥ профессионал байрамын Горно-Алтайсктыҥ медколледжиниҥ конференц-залында кӧдӱриҥилӱ айалгада темдектеген. Кичӱ изӱ айдыҥ 13-чи кӱнинде анда бош јер јок болгон. Бу керек-јаракка эмдиги ишчилер ле ветерандар келген — медучреждениениҥ је деген ӧмӧлигиниҥ кезик ле бӧлӱги.

Коллегаларын тергеениҥ су-кадыкты корыыры аайынча министриниҥ ордынчызы Валентина Мунатова уткыган. Ол министр Андрей Макинниҥ, тергеелик министерствоныҥ ла бойыныҥ адынаҥ республикан эмчиликтиҥ ишчилерин профессионал байрамла уткыган.

—Слер – бистиҥ тӧс лӧ эҥ јаан медициналык организация, республиканыҥ су-кадыкты корыыр бӧлӱгиниҥ јӱгиниҥ кӧп сабазын слер апарадар. Слердиҥ ӧмӧ-јӧмӧ ижердиҥ шылтузында бӱгӱн бисте кӧп тоолу ууламјылар аайынча коомой эмес кӧргӱзӱлер бар. Ороонныҥ ӧскӧ тергеелери кеминде бис јакшы кӧрӱнедис — деп, Валентина Мунатова темдектеген.

Федерал ла тергеелик программалардыҥ јӱрӱмде бӱдӱп турганыныҥ ла эмчиликтиҥ ӧмӧлигиниҥ јӱткӱмелиниҥ шылтузында эл-јонго медициналык болуш јетирери аайынча иште једимдерге јеткенин ол база темдектеген. Је мынаҥ да ары эрчимдӱ иштеер керек.

—Бис кӧпкӧ јеткенис, је биске база кӧпти эдер керек – бӱгӱн РФ-тыҥ башкарузы ла президент су-кадыкты корыырыныҥ алдына јаан амадулар тургузат. Алдыста нацӱлекерлерди јӱрӱмде бӱдӱрери ле бу ууламјыда јаан иштер ӧткӱрери турат – деп, Валентина Мунатова айткан.

Бойыныҥ уткуулдарын республикан эмчиликтиҥ баш врачыныҥ молјуларын бӱдӱрип турган Константин Чуканов, Горно-Алтайсктыҥ мэри Юрий Нечаев база айткан.

Медицинаныҥ ишчизиниҥ кӱнине учурлалган кӧдӱриҥилӱ керек-јарак кичӱ изӱ айдыҥ 14-чи кӱнинде республикан перинатальный тӧс јердиҥ конференц-залында улалган. Анда јуулган ишчилерди уткыган улустыҥ тоозында Горно-Алтайсктыҥ администрациязыныҥ јааныныҥ социальный сурактар аайынча ордынчызы Станислав Тюхтенев болгон. Бу учреждениениҥ баш врачы Андрей Мурыгин коллегаларына база уткуулду сӧстӧрин айткан.

Бу кӱнде кӧп тоолу ишчилерге кайралдар табыштырылган.

Байрамдар тӱрген ӧдӧ берет, алдыста кӱч те болзо, је сӱӱген ле сӱрекей керектӱ ижис. Ол јаантайын јаҥыс ла јакшы турулталар экелзин!

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде