Бӱгӱнги кадеттер – келер ӧйдиҥ офицерлери

25.06.2019

Алтай Республикага бу јуукта ишмекчи јол-јорыкла Госдуманыҥ депутады, Россияныҥ Геройы Игорь Станкевич ле Госдуманыҥ депутады Родион Букачаков келип јӱрдилер.

Госдуманыҥ депутаттарыныҥ јол-јорыгыныҥ амадузы јашӧскӱримле туштажып, ороонныҥ, республиканыҥ келер ӧйиниҥ чындык, тӧрӧлчи кӱӱндӱ граждандарыныҥ учуры, јиит ӱйе ортодо таскамал иш јанынаҥ эрмек-куучындар ӧткӱрери болгон.

Игорь Станкевич ле Родион Букачаков Јеҥӱниҥ паркында Ада-Тӧрӧл учун Улу јууныҥ туружаачыларына, Советский Союзтыҥ Геройлорына учурлалган кереестерге чечектер салып, олордыҥ ады-јолдоры ӱргӱлјиге кереес болуп артары јанынаҥ айткан. Игорь Валентинович онойдо ок ишмекчи јол-јорык ӧйинде Ада-Тӧрӧл учун Улу јууда Јеҥӱниҥ келер јылда темдектелетен 75 јылдыгына белетеништӱ иш јанынаҥ јилбиркеп, сурактарына чокым каруулар алды.

Геройлордыҥ ады-јолдорын эзедип, эткен мактулу, нерелӱ керектери керегинде олор туштажуга јуулгандарга, јашӧскӱримге элбеде куучындаган.

Алтайга амадап келген Игорь Станкевичтиҥ јӱрӱмдик ле јуучыл јолы јилбилӱ ле байлык. Ол Свердловский областьтыҥ Нижний Тагил калазында 1958 јылдыҥ куран айыныҥ 31-чи кӱнинде черӱчилдиҥ билезинде чыккан. Игорь Валентинович орус офицерлердиҥ уулы, барказы, унугы.

Ол 1975-1979 јылдарда Новосибирсктеги бийик ӱредӱлӱ јуучыл-политикалык текшивойсковой училищеде ӱренген. Ол бу училищени божотконынаҥ бери 40 јыл ӧткӧн. Бу ӧйдиҥ туркунына училищени тӧртӧн курс божоткон.

Россияныҥ Геройы И. Станкевич черӱчил службазын 1985-1987 јылдарда Афганистанда совет јуучылдардыҥ бӧлӱгинде ӧткӧн, андагы јуу-согуштыҥ (1979-1989) туружаачызы. Ол бир канча јуучыл ордендерле кайралдаткан.

Депутаттар И. Станкевич ле Р. Букачаков ол ло кӱн Маймадагы јуртээлемдик техникумныҥ кадеттериле, афганецтердиҥ республикан биригӱзиниҥ турчыларыла тушташкан. Техникумда кадеттерге береттер кӧдӱриҥилӱ айалгада табыштырылды. Кӧдӱриҥиде јуртээлемдик техникумныҥ директоры Александр Чеконов, Россияныҥ ФСБ-зыныҥ Алтай Республикада пограничный башкартузыныҥ јааныныҥ ордынчызы Сергей Емелин, Госдуманыҥ депутаттары Игорь Станкевич, Родион Букачаков ла оноҥ до ӧскӧ улус турушкан.

Кадеттерди јаан ла каруулу ченелтени једимдӱ ӧдӱп, беретти кийип јӱрер тап-эриктӱ болгоныла окылу улус уткыдылар. Кадеттер баштамы јуучыл белетеништи једимдӱ ӧткӧн. Олор оноҥ ары черӱчил молјузын ак-чек бӱдӱрерине, Тӧрӧлин, албатызын корыыр мактулу, нерелӱ керекке белетенери, бӱгӱнги кӱнде техникумда јакшы, кичеенип ӱренери сӱреен керектӱ болгонын јарт оҥдогылайт.

Кадеттердиҥ јӱрӱминде бу база бир јаан ченелте. Ченелтени кӱчсинбей, ак-чек ӧткӧн јииттер јӱрӱмде де ак-чек јӱрер деп иженер керек.

«Слердиҥ, кадеттердиҥ, ортозынаҥ та кем де тӧрӧл јуртында иштеер, кем де республиканыҥ башчызы болордоҥ до маат јок, онойдо ок келер ӧйдиҥ офицерлери база ла слердиҥ ортогордоҥ чыгар» – деп, Игорь Станкевич уткуулду сӧзинде айтты.

Госдуманыҥ депутады Родион Букачаков бойыныҥ ӧйинде бу ла техникумды једимдӱ тӱгезип, јӱрӱминиҥ јаан јолына чыккан. Курсанттар Родион Борисовичтиҥ уткуулду сӧзин лапту уктылар.

Олор курсанттарла класста база туштажу ӧткӱрген. Туштажу ӧйинде депутаттар јииттерге јӱрӱминде эҥ ле керектӱ ӱредӱниҥ – ак-чек, ару кӱӱндӱ, билгири бийик, јаҥыртуларга јилбӱ, јаан ла кичӱ Тӧрӧли, албатызы, билези учун каруулу болоры јанынаҥ алтын ээжиниҥ учурын јартады. Качан да, кандый да ӧйдӧ чек, јаанды-јашты тооп јӱрери јанынаҥ база айттылар. Курсанттарга сӱреен тузалу туштажу болды. Бӱгӱнги кадеттер келер ӧйдиҥ офицерлери ине.

К. ПИЯНТИНОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина