Кӱскиде тӧс јерлер ачылар

02.07.2019

Бистиҥ тергееде «Точка роста» деген тӧс јерлер тӧзӧӧрине учурлалган јуун ӧткӧн. «Ӱредӱ» деп национальный ӱлекердиҥ «Эмдиги ӧйдиҥ школы» деген тергеелик ӱлекерин јӱрӱмде бӱдӱрериле колбулу сурактарды шӱӱжип кӧрӧрине учурлалган бу јуунда ӱредӱликтиҥ башкартузыныҥ муниципал органдарыныҥ башкараачылары, школдордыҥ директорлоры ла тӧс јерлердиҥ јаандары турушкан.

Алтай Республиканыҥ јурттардагы 19 школы конкурстыҥ талдаштарыныҥ уч-турулталары аайынча ӱредӱликтиҥ цифровой ло гуманитарный ууламјылар јанынаҥ тӧс јерлериниҥ федерал сетине кирген.

«Точка ростаныҥ» сетин тӧзӧӧри 2024 јылга јетире улалар, тергеениҥ 93 школында цифровой ло гуманитар ууламјылу тӧс јерлер тӧзӧӧри планга кийдирилген. Олордыҥ школдордо ижи кӱн туркунына ӧдӧр: цифровой ло гуманитар компетенциялар тӧзӧӧр кабинеттерде уроктор ӧдӧр, ӱлекер иштиҥ кыбында — кружоктордыҥ ла ӱлекерлердиҥ группаларыныҥ ӱредӱзи, деловой деген ойындар, тренингтер, анайда ок ӱренчиктерге коммуникативный ченемелин јарандырар ла байгызар, креативность, стратегический ле телкем санаа-сагышты, кызалаҥ айалгаларда психологический јанынаҥ турумкай болорын тӧзӧӧр аргалар берер јӱзӱн-башка керек-јарактар.

Тергееде белетеништӱ иштер эрчимдӱ ӧдӧт: нормативно-правовой тӧзӧлгӧ, јазал-немелерди садып аларыныҥ аргалары тӧзӧлгӧн, 82 педагог ӱредӱликтиҥ ӧзӱминиҥ јаҥы бӱдӱмдериниҥ фонды ажыра онлайн ӱредӱ ӧткӧн. Куран айдыҥ 5-9 кӱндеринде технологияныҥ 22 ӱредӱчизи очный ӱредӱни Кемерово калада Кванториумныҥ технопаркында ӧдӧр деп, тергеениҥ ӱредӱ ле билим аайынча министерствозыныҥ пресс-службазы јетирет.

Ӱредӱчилердиҥ темдектегениле, «Ӱлекер иштиҥ ээлгир компетенциялары» деген тема аайынча билгирлерди бийиктедер тушта јаҥыс ла ӱлекерлерди башкарарыныҥ системазына, јаҥы терминдерге онлайн ажыра ӱренерге келишкен эмес, је анайда ок предметтерге ӱредериниҥ эп-аргаларын, балдарла колбуларды, урокто эмес ле ӱлекер ишти тӧзӧӧри јанынаҥ ишти чек кубултарга келишкен.

Јуун ӧйинде тӧс јерлердиҥ башкараачылары тӧс јерлердиҥ кыптарын јӧптӧлип калган дизайн-ӱлекер аайынча канайда белетеп турганы керегинде отчет эткендер. Кабинеттерди белетеери Кан-Оозы аймакта Кырлык јурттыҥ школында тӱгенип јат. Акташта, Оҥдойдо, Турачакта, Иогачта, Чаргыда, Кызыл-Ӧзӧктӧ школдордо кабинеттерди јазаары ӧткӧнчӧ. Чамалдагы ла Чопоштогы школдордо јазашту иштер ӧткӱрерине ле мебаль садып аларына аймактыҥ администрациязы јербойыныҥ бюджединеҥ 470 муҥ салковойдоҥ кӧп акча чыгарган.

Анайда ок јуунныҥ туружаачылары тӧс јерлердиҥ јетирӱлик јӧмӧлтӧ-зиле колбулу суракты шӱӱшкен: текшиӱредӱлик организациялардыҥ сайттарында документтер ле јетирӱлик материалдар салылган, бастыра муниципал СМИ-лерде статьялар јарлалат. Јетирӱлик јеткилдеш, школдордыҥ сайттарында тематикалык бӧлӱкти апарары јанынаҥ јакшы иштеп турган мындый тӧс јерлердиҥ башкараачыларыныҥ ады-јолдоры адалган: Наталья Красных (Акташтыҥ С. Моховтыҥ адыла адалган школы), Инга Шымдыева (Кан-Оозыныҥ Ч. К. Кыдрашевтиҥ адыла адалган школы).

Бу ок ӧйдӧ јаҥы некелтелерге тӧзӧлгӧлӧнип, школдордо ӱредӱлик программаларды, урокто эмес иштиҥ ле ӱзеери ӱредӱниҥ программаларын белетеери аайынча иш ӧдӧт.

«Точка роста» — ӱренчиктерге чыҥдый ӱредӱ, педагогтордыҥ ӧзӱми, социокультурный компетенцияларды ӧскӱрерине керектӱ јондык телекей. Тӧс јерлердиҥ ижин тӧзӧӧри аайынча кеми јаан иштер ӧткӱрер керек, је баштапкы алтамдар эдилип калган. Сыгын айда 19 тӧс јердиҥ эжиктери бастыра улуска ачык болор» — деп, «Точка ростаныҥ» тӧс јерлерин тӧзӧӧри аайынча тергеелик координатор, АР-дыҥ ӱредӱ ле билим аайынча министерствозыныҥ ӱредӱлик политика јанынаҥ бӧлӱгиниҥ јааны Ирина Елфимова адакыда айткан.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина