Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Физкультурниктерди уткыды

16.08.2019

Физкультурниктиҥ бастырароссиялык кӱниниҥ 80 јылдыгына ла Алтай Республиканыҥ ветерандарыныҥ спартакиадазына учурлалган керек-јарактар Горно-Алтайскта «Спартак» стадиондо ӧтти.

Ондо республиканыҥ бастыра аймактарынаҥ келген спортчылар ла спорттыҥ ветерандары туруштылар. Јуулган улусты Алтай Республиканыҥ башчызыныҥ ижин удурумга бӱдӱреечи Олег Хорохордин уткыды.

Оныҥ айтканыла, бийик једимдерге јеткен профессионал спортчылардыҥ тоозы Алтай Республикада јылдаҥ јылга кӧптӧп туру. Федерал тӧс јердиҥ болужыныҥ шылтузында спортло тазыктырынатан кӧп объекттер тудулган.

Кӧдӱриҥилӱ айалгада спортчыларга ла спорттыҥ ветерандарына кайралдар табыштырылды. РФ-тыҥ спорт аайынча министерствозыныҥ сертификады спорттыҥ ветераны Анатолий Увачевко табыштырылган.

Алтай Республиканыҥ башчызыныҥ, башкарузыныҥ председателиниҥ Быйанду самаразыла спорттыҥ ветераны Владимир Казанцев, балдардыҥ спортивно-адаптивный школыныҥ тазыктыраачы-преподаватели Владислав Сарлаев, М. З. Гнездиловтыҥ адыла адалган политколледжтиҥ производственный ӱредӱ аайынча мастери Евгений Шевякин кайралдаттылар.

Ветерандардыҥ спартакиадазында текши тооло 200-теҥ кӧп спортчылар турушкан. Олор спорттыҥ башка-башка бӱдӱмдери — волейбол, городошный спорт,  столдогы теннис, дартс, шахмат, јеҥил атлетикалык  эстафета аайынча маргышкандар.

Анайып, баштапкы јерди Горно-Алтайсктыҥ командазы алды, экинчи јерде – Майма аймак, ӱчинчи јер Оҥдой аймакка келишкен.

Куран айдыҥ 24-27 кӱндеринде Уфада пенсионерлердиҥ бастырароссиялык спартакиадазы ӧдӧр, ондо Алтай Республиканыҥ командазы туружары керегинде сурактыҥ аайы-бажы чокымдалат.

Т. ТОХНИН

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина