Эмчиликтиҥ јаҥы туразыныҥ ачылтазы

26.11.2019

Алтай Республиканыҥ башчызы Олег Хорохордин Майма аймактыҥ эмчилигиниҥ беш јылдыҥ туркунына тудулган јаҥы тура-корпузыныҥ кӱчӱрген айдыҥ 22-чи кӱнинде ӧткӧн ачылтазында турушкан.

«Мында поликлиника, анайда ок хирургический ле гинекологический стационарлар болор. Јаҥы тудулган турада 85 кижи иштеер, врачтарга ла пациенттерге керектӱ айалгалар тӧзӧлгӧн» — деп, башчы айткан.

Цокольный этажту ӱч кат тураныҥ текши кеми 4 муҥ квадратный метр кире, ол республикан бюджеттиҥ акча-манадыла тудулган ла јазал-немелерле јепселген. Стационарда одус орын бар, поликлиника смена туркунына 100 кижини медјеткилдешле јеткилдеер аргалу. Мында анайда ок аймактыҥ стоматологический службазы, клинический лаборатория, рентгенологический кабинеттер, болужатан службалар болор.

«Бу улус сӱрекей сакыган объект болуп јат, оныҥ да учун бастыра албаты-јонды оны јетире тутканыла уткуп турум. Јербойында 34 муҥ кижи јадат, балдардыҥ тоозы кӧп, албаты-јонныҥ текши тоозы јылдаҥ јылга кӧптӧйт. Јаҥныҥ молјузы — медболушты улуска ӧйинде ле чыҥдый јетирерине керектӱ бастыра айалгаларды тӧзӧӧри» — деп, Олег Хорохордин темдектеген.

Эл-јонды байрамла анайда ок республикан парламенттиҥ су-кадыкты корыыры ла јонјӱрӱмдик корулаш аайынча комитединиҥ председатели Алена Казанцева ла Майма аймактыҥ јааны Роман Птицын база уткыган. Аймактыҥ башкараачызы дезе Олег Хорохординге аймакка сӱрекей керектӱ объектти јетире тударына јӧмӧлтӧ-болуш јетиргени ле ӱзеери акча-манат чыгарганы учун быйан айткан.

Парламенттиҥ комитединиҥ јааны Алена Казанцеваныҥ темдектегениле, Майманыҥ эмчилигинде эҥ талдама врачтар ла медсестралар иштейт. «Мен республиканыҥ ӧскӧ аймактарыныҥ эмчиликтериниҥ тузаланарына табыштырылып калган јаҥы тураларында болуп ла олордогы текши айалгаларды кӧрӱп, Майма аймактыҥ эмчилиги кандый кӱч айалгада иштеп турганы јанынаҥ санааркап туратам. Майманыҥ эмчилигиниҥ профессионал кеми бийик медишчилери ӧйдиҥ некелтелеринеҥ бир де соҥдобоско кичеенип иштейт» — деп, ол куучындаган. Анайда ок парламентарий бежинчи ле алтынчы созывтардыҥ депутаттарына, башкаруга, строительдерге, аймактыҥ администрациязына эмчиликтиҥ јаҥы туразын тударына камаанын јетиргени учун быйанын айткан — кажызы ла аймактыҥ курч сурактарын аайлаштырарга, бойыныҥ ижин эдип, текши керекке јаан јӧмӧлтӧзин јетирген. Майманыҥ эл-јоны амадузына јеткен, эмди олор јап-јакшынак, эмдиги ӧйдиҥ техниказыла јепселген турада эмденер аргалу болуп калган деген.

Подрядчик болгон «ФундаментСпецСтрой» ООО-ныҥ генеральный директоры Игорь Ким Майма аймактыҥ эмчилигиниҥ баш врачы Сергей Коваленкого јаҥы тураныҥ кереес тӱлкӱӱрин табыштырган. Эмчиликтиҥ башкараачызыныҥ темдектегениле, медишчилер јаҥы турага јаҥар айда бӱткӱлинче кӧчӧр, ол тушта эмчилик толо кеминде иштеп баштаар.

Кӧдӱриҥи ӧйинде иштиҥ мергендӱчилерине кайралдар табыштырылган. Профессионал ижинде једимдери, су-кадыкты корыырында узак ӧйдиҥ туркунына ак-чек иштегени учун Алтай Республиканыҥ Кӱндӱлӱ грамотазыла аймактыҥ эмчилигиниҥ баш врачыныҥ ордынчызы Евгения Сараева кайралдаткан. Анайда ок иштеги једимдери, республиканыҥ строительствозыныҥ ӧзӱмине камаанын јетиргени учун ла Майма аймактыҥ эмчилигин тузаланарына табыштырганыла колбой АР-дыҥ башчызыныҥ, башкарузыныҥ председателиниҥ Быйанду самаразы «ФундаментСпецСтрой» компанияга табыштырылган.

Бу аймактыҥ эмчилигине материально-техникалык тӧзӧлгӧзин тыҥыдарына 100 муҥ салковойдыҥ сертификады табыштырылды.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина