Муниципалитеттердиҥ јаандарыла јуун ӧткӧн

07.02.2020

Алтай Республиканыҥ башчызы Олег Хорохордин министрлердиҥ кабинединиҥ турчыларыла, республиканыҥ муниципал тӧзӧлмӧлӧриниҥ јаандарыла јуун ӧткӱрген.

Јуунда јербойында улус гриппле, ОРВИ-ле оорып турганы, туралардыҥ јабынтыларын тош-кардаҥ арчыыры, сууныҥ скважиналарын тузаланарыныҥ лицензированиези аайынча сурактар кӧрӱлген.

Олег Хорохордин Новосибирскте болгон учурал керегинде куучындаган: кафе болгон тураныҥ јабынтызы анда јаан кар болгонынаҥ улам јемирилерде, тӧрт кижи сынык-бычыктар алган ла бир кыс божогон.

«Бисте кӧп квартираларлу туралардыҥ ла јонјӱрӱмдик объекттердиҥ кӧп тоолу јабынтыларын кардаҥ эмдиге јетире арчыбаган. Эмди јылулар келер, ол тушта јабынтыларда јуулып калган тош-кар јерге келип тӱжердеҥ айабас. Тергеелик ӧзӱм аайынча министерствого, анайда ок Горно-Алтайсктыҥ ла Майма аймактыҥ јаандарына бу суракла колбулу айалганыҥ аайы-бажына јуук кӱндердиҥ туркунына чыксын деген јакылта берип јадым» — деп, башчы айткан.

Роспотребшиҥжӱниҥ тергеелик башкартузыныҥ башкараачызы Леонид Щучиновтыҥ јуунда айтканыла, ОРВИ-ле, гриппле оорып турган улустыҥ тоозы кӧптӧп баштаган. Улус эмчилерге орой баштанып турганынаҥ ла бойы эмденип турганынаҥ улам внебольничный пневмонияныҥ тоозы кӧптӧгӧн. Башчы бу ууламјы јанынаҥ јартамалду ишти албаты-јон ортодо эрчимделтсин деп баштанган.

Сууныҥ скважиналары јанынаҥ сурак јуунда кӧрӱлерде, башчыныҥ темдектегениле, Алтай Республиканыҥ јеринде 300-теҥ кӧп водозабор иштейт, олордыҥ 18-зинде лицензия эмдиге јетире јок. База 22 скважина бӧктӧлӧрдӧҥ айабас.

Тергеениҥ башчызыныҥ темдектегениле, лицензирование аайынча ишти 2019 јылдыҥ јаҥар айыныҥ 31-чи кӱнине јетпей јадып ӧткӱрип салзын деген јакылта былтыр куран айда эдилген болгон. Бу јакылтаны Майма, Турачак, Чой ло Кан-Оозы аймактарда бӱдӱрбеген. Јакылтаны бӱдӱрбегени учун кезик јамылу улус каруузына тургузылар.

Национальный ӱлекерлерди бӱдӱрерин шӱӱжер тушта јонјӱрӱмдик учурлу объекттерди тудары јанынаҥ сурак элбеде шӱӱжилген. Темдектезе, Горно-Алтайскта Заимка микрорайондо 275 јерлӱ школды тудары учына једип барааткан. Горно-Алтайсктыҥ администрациязыныҥ јааны Ольга Сафронованыҥ айтканыла, спортивный площадканы јарандыра тударына ӱзеери акча чыгарылган. Объектти тузаланарына кандык айда табыштырарга турган.

Анайда ок Горно-Алтйскта Каташтыҥ оромында балдардыҥ сады баштапкы кварталдыҥ учына јетпей тудулып калар. Балдардыҥ садтарын тузаланарына табыштырары јанынаҥ документтер Майма ла Шабалин аймактарда учына јетире белетелет.

Быјыл «Демография» деген нацӱлекер аайынча балдардыҥ база 13 садын тудары башталар, он площадкада баштамы иштер башталып калган.

Россияныҥ президенти Владимир Путинниҥ баштаҥкайы аайынча тургузылган 12 нацӱлекердиҥ онын бӱдӱрери бистиҥ республикада 2019 јылда башталган ла олор тергеениҥ башкарузыныҥ шиҥжӱзинде тудулат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина