Алтайкрайстаттыҥ јааныла туштажу

03.09.2020

Алтай Республиканыҥ башчызы Олег Хорохордин государственный статистиканыҥ федерал службазыныҥ Алтай край ла Алтай Республика аайынча башкартузыныҥ башкараачызы Ольга Ситниковала ишмекчи туштажу ӧткӱрген.

Ишмекчи туштажу ӧйинде тергее 2021 јылдыҥ кандык айыныҥ 1-30 кӱндеринде ӧдӧтӧн Эл-јонныҥ текшироссиялык тооалыжына белетенери јанынаҥ сурактар шӱӱжилип кӧрӱлген. Озолондыра темдектелгени аайынча быјыл ӱлӱрген айда ӧдӧр болгон тооалышты коронавирустыҥ пандемиязынаҥ улам ӧскӧ ӧйгӧ кӧчӱрерге келишкен.

Тооалышла колбулу чике ишти республиканыҥ ыраак ла једерге кӱч јерлеринде 2021 јылдыҥ кичӱ изӱ айыныҥ 1-30 кӱндеринде ӧткӱрер. Андый јерлердиҥ аҥылап тургузылган тооломына 20 јурт кирип јат, ол тоодо Турачак аймакта — 14, Улаган аймакта 6 јурт.

Олег Хорохординниҥ темдектегениле, Алтай Республикада јербойында бойы башкарынарыныҥ органдарына Эл-јонныҥ текшироссиялык тооалыжын белетеери ле ӧткӱрери јанынаҥ чыдулар берилген, ол чыдуларды акча-манатла быжулаарыныҥ ээжизи, субвенциялардыҥ кеминиҥ чоттомолыныҥ методиказы јӧптӧлгӧн.

«Республикан јасакберимниҥ субвенциялардыҥ чоттомолыныҥ методиказы јанынаҥ бӧлӱгине кубулталар федерал јасакберимге келиштирте эдилер, анайда ок тап-эриктерди ле молјуларды чокымдаар. Јасактыҥ ӱлекери Алтай Республиканыҥ башкарузыныҥ јуунында кӧрӱлген ле Эл Курултайдыҥ ээчиде сессиязында кӧрӱлер» — деп, тергеениҥ јааны айткан.

Анайда ок муниципалитеттер федерал адылу јетирӱлик системаныҥ ла адылу ээлемдердиҥ кӧргӱзӱлериниҥ актуализациязы јанынаҥ иш ӧткӱрет.

Алтайкрайстаттыҥ башкараачызы Ольга Ситникова тооалышла колбулу јетирӱлик ӱйдежӱ јанынаҥ иш тергееде эрчимдӱ ӧткӱрилип турганын темдектеген.

«2021 јылдыҥ кандык айында бистиҥ бастырабыска тӱӱкилик керектиҥ туружаачызы болорго келижер — Эл-јонныҥ текшироссиялык тооалыжында туружарыс. Бис кажы ла кижи ол керегинде, анайда ок переписчик айылына келерин сакыбай, тооалыштыҥ листин Госјеткилдештиҥ порталы ажыра бойы бичип, толтырып салар аргалу болгонын билип турзын деп кичеенедис. Бу иште биске анчада ла журналисттер, башка-башка ведомстволордыҥ ла муниципал јаҥныҥ органдарыныҥ ишчилери јаан болужын јетирет» — деп, Ольга Ситникова айткан.

Алтай Республика статистиканыҥ келер ӧйдӧ болотон керек-јарагы керегинде кӧп айдылган ла бичилген он тергеениҥ тоозына кирген. Бистиҥ тергее Росстаттыҥ пресс-туры ӧдӧтӧн тӧрт субъекттиҥ тоозына кирер, бу керекте ведомстволордыҥ ла элбек јетирӱлер эдер эп-аргалардыҥ башкараачылары туружар. Ӧдӱп јаткан јылдыҥ јаҥар айында ол пресс-турдыҥ туружаачылары ыраак ла једерге кӱч јурттарга барар ла Эл-јонныҥ текшироссиялык тооалыжына Алтай Республика канайда белетенип јатканын кӧрӧр.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина