Оҥдойдо «Сартакпай» стадион јаҥыртылар

11.09.2020

Алтай Республиканыҥ башчызы Олег Хорохордин Оҥдой аймакла јӱрӱп, аймактыҥ тӧс јуртындагы хоккей ойноор јаҥы коробканы ла келер јылда јаҥыртылатан стадионды кӧргӧн.

Оҥдойдо хоккей ойноор, 30*60 метр кемдӱ коробка «Демография» нацӱлекердиҥ «Спорт – јӱрӱмниҥ ээжизи» деп программазы аайынча тудулган. Бу јепсел аймакка куран айдыҥ бажында келген ле тургуза ла монтажы эдилген.

«Объектте калганчы иштер ӧдӧт – электројарыткыштыҥ ла сууӧткӱштиҥ системаларын тургузары, јылу кыптар, кӧрӧӧчилердиҥ трибуналары јазалат. Аймактыҥ тӧс јуртыныҥ эл-јоны ла айылчылары келер кышта ла мында хоккей ойноор, конекту јыҥылаар аргалу болор» – деп, Олег Хорохордин айткан.

Ол онойдо ок «Сартакпай» стадиондо болгон, эл-јон туштажуларда оны јаҥыртары керегинде тергеениҥ башкараачызын јаҥыс катап эмес сурагандар. Былтыр Олег Хорохордин объектти јаҥыртарына ӱлекер-сметный документацияны белетезин деген јакылта берген. Мында ол ӱлекерле танышкан.

«Јӧп јарадылган, јаҥыртулу иш 2021 јылда башталар, акча-манат бюджетке салылар. Мында футбол ойноор искусственный јалаҥ болор, јӱгӱрер јолдор јаҥыртылар, волейбол ло гандбол ойноор, ГТО табыштырар, узунына калыыр ачык јерлер јазалар» – деп, республиканыҥ башкараачызы чокымдаган.

Стадион онойдо ок чеденделер, ондо экран тургузылар, футболдыҥ јалаҥы ла ӧскӧлӧри де јарыткышту болор. Уштунар кыптарлу ӱзеери тура тудулары пландалат.

Олег Хорохордин укту ла эттеҥир мал-аш ӧскӱрип, аҥдар, койлор кӧптӧдӧри јанынаҥ иштеп турган «Теньгинский» ээлемде болгон. Предприятиениҥ башкартузыла ол јурт ээлемниҥ ӧзӱми ле сырьедоҥ таштанчы јогынаҥ продукция иштеп алары керегинде пландарды шӱӱшкен.

Укту јаш мал-аш ӧскӱрери, тудары ла садары аайынча иштердеҥ башка бу ээлем келер ӧйдӧ бойыныҥ продукциязын, ол тоодо эттеҥ деликатестер эдерин пландайт. Айдарда, ого мини-бойня, эттеҥ не-неме эдер цех ле ӧскӧ дӧ инфраструктура тудар керек болуп јат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина