«Единая Россия»: ишјалдыҥ сурагы шӱӱжилген

15.09.2020

«Единая Россия» партияныҥ Алтай Республикада тергеелик бӧлӱгиниҥ площадказында јуун ӧткӧн. Ондо государственный ла муниципальный учреждениелердиҥ ишчилериниҥ ишјалыныҥ системазында кубулталардыҥ сурагы шӱӱжилген.

Шӱӱжӱлер бюджеттиҥ бӧлӱгинде ишчилердиҥ ижиниҥ тӧлӧмирлериниҥ окладтарын ла кожулталарын аайлу-башту тургузар сурактарга учурлалган. Онойдо ок «Россия Федерацияныҥ Иштиҥ кодекс-иниҥ 144 тизиминиҥ государственный ла муниципальный учреждениелердиҥ ишчилериниҥ ижин тӧлӧӧриниҥ отраслевой системаларына некелтелер тургузар бӧлӱгине кубулталар кийдирери керегинде» деп РФ-тыҥ Государственный Думазына кӧрӱлерине берилген федерал јасактыҥ ӱлекери база шӱӱжилген.

«Единая Россия» партияныҥ Алтай Республикада тергеелик бӧлӱгиниҥ качызы, сенатор Татьяна Гигельдиҥ темдектегениле, бюджеттеги ишчилердиҥ ижин тӧлӧӧри-ниҥ эмдиги системазы тӱҥей иштӱлердиҥ ишјалдары тыҥ башкаланып турганына экелет. Бу курч сурак ороонныҥ кӧп тергеелеринде. «Бистиҥ керегис – бӱгӱн Алтай Республикада тура берген айалганы шиҥдеп кӧрӧри. Бис профессионал биригӱлердиҥ, депутаттардыҥ, јондык-тыҥ шӱӱлтезине тайанбазыс. Јӱк ле коллегиальный шӱӱжӱниҥ кийнинде ле јасакчы кеминде јӧп јарадарга јараар» – деп, ол айткан.

Бойыныҥ шӱӱлтелерин «Алтай Республиканыҥ ӱредӱчилер бирлиги» деп тергеелик јондык организацияныҥ председатели Светлана Тундинова айткан. Ӱредӱлӱ учреждениелерде ишти тӧлӧӧриниҥ системазын аайлап-баштаары јербойында јаҥдардыҥ чыдузына кирет деп, ол темдектеген. Оныҥ шӱӱлтезиле, окладтарды ла ишјалдарды тургузарында, онойдо ок компенсацияларды ла јилбиркедиштӱ тӧлӧмирлерди тургузарында тузаланылып турган ээжилерде бирлик ээжи-некелте болор учурлу.

Иштиҥ, јонјӱрӱмдик ӧзӱмниҥ ле эл-јонды ишле јеткилдеериниҥ министриниҥ ордынчызы Эмма Рябченконыҥ јетирӱзиле, республиканыҥ башкарузы Государственный Думага јонјӱрӱмдик бӧлӱктиҥ бюджеттеги ишчилериниҥ ижин тӧлӧӧриниҥ отраслевой системазында бирлик некелтелер тургузары керегинде шӱӱлтелер белетеген. «Бюджеттеги системаныҥ келишпес-башкалу болорын астадар амадула некелтелерди акча-манатла јеткилдеерине ајару керектӱ деп чотойдыс» – деп, ол темдектеген.

Алтай Республиканыҥ профсоюзтары-ныҥ организацияларыныҥ биригӱзиниҥ председатели Андрей Ищенко бюджеттеги ишчилердиҥ тариф ставкаларын ишти тӧлӧӧриниҥ эҥ ас кеминеҥ јабыс тругуспас керек деген шӱӱлтезин айткан. Ол ишти тӧлӧӧриниҥ системазына бирлик некелтелер кийдирер, онойдо ок федерал да, тергеелик те кеминде ӱчјандай комиссияныҥ шӱӱлтезине тайанар шӱӱлтелерди јӧмӧгӧн. «Ӱредӱчилердиҥ, врачтардыҥ ла культураныҥ учреждение-лериниҥ ишчилериниҥ ишјалыныҥ базовый бӧлӱги 70% болор учурлу» – деп, профсоюзтардыҥ биригӱзиниҥ председатели чотойт.

«Единая Россияныҥ» фракциязыныҥ башкараачызы, парламенттиҥ экология ла ар-бӱткенди тузаланарыныҥ комитединиҥ председатели Владислав Рябченко кадрларга бирлик некелтелерди ӧскӱрери керегинде шӱӱлтезиле ӱлешкен, онойдо ок јилбиркедиштӱ тӧлӧмирлер эдерде, комиссияныҥ шӱӱлтезиле башкарынарына ајару эткен. Оныҥ темдектегениле, онызы кадрлардыҥ политиказын ӧскӱрерине јӧмӧлтӧлӱ болор.

АР-дыҥ Эл Курултайыныҥ су-кадыкты корулаары ла јонјӱрӱмдик корулаш аайынча комитединиҥ председатели, «Су-кадык келер ӧй» деп партӱлекердиҥ координаторы Алена Казанцева коллегаларыныҥ шӱӱлтелериле јӧпсинип, бу сурактыҥ курч турганын ла ишјалды тӧлӧӧринде чындык некелтелер тургузарыныҥ јаан учурлузын темдектеген. «Единая Россияныҥ» депутаттары, бу јасактыҥ ӱлекерине акча-манат јанынаҥ јеткилдешти кийдирген тушта, оны јарадар деп бӱдедим» – деп, парламентарий чокымдаган.

«Ороонныҥ јонјӱрӱмдик политиказын тӧзӧӧри – «Единая Россияныҥ» тӧс кереги» – деп, Дмитрий Медведев партияныҥ 2020-2021 јылдардагы эҥ баштапкы керектери керегинде ишмекчи јуунда айткан. Јонјӱрӱмдик государствоныҥ концепциязы «Единая Россияныҥ» албатылык программазыныҥ тӧзӧгӧзи болор, оныла партия Госдуманыҥ талдаштарына барар.

«Единая Россияныҥ» Генсовединиҥ качызы Андрей Турчактыҥ темдекте-гениле, «Единая Россия» башкарула, эксперттердиҥ биригӱлериле јаба эл-јонды јонјӱрӱмдик јанынаҥ јӧмӧӧр ишти јарандырарына ууламјылу бир канча баштаҥкайларды шӱӱжип јат. Олор – бюджетниктердиҥ ижин тӧлӧӧр системала иштеери, олордыҥ ишјалында окладтыҥ кемин 70% јетирери, тӧлӱлер учун тӧлӧмирлердеҥ гарантированный кирелтени корулаары, эмдерле јеткилдее-рин ле тӧрӧл фармаргачыларды јӧмӧӧ-рин јарандырары, эл-јонды газ ӱлештирер сетьтерге тегинге колбооры (эмди ол јӱстер муҥ салковой), эл-јонды ишле јеткилдеер службаларды јаҥыртары, ол тоодо ишјок артарын страховать эдери.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина