Кайран кару нӧкӧр

28.09.2020

Сыгын айдыҥ 21-чи кӱнинде Кош-Агаш аймакта Кара-Кабак деп ӧзӧктиҥ ӱч кӧлиниҥ бирӱзинде эмди неле де кайра јандырып ла тӱзедип болбос јаан јеткер болуп, бистиҥ антыгарлу најыбыс, Анатолий Шодоев, ак-јарыктаҥ јӱре берди.

Јеткер јеҥ алдында деп айтканыла, Алтайдыҥ кеен ле јараш јерлерине јӱрӱп, оныҥ ар-бӱткенин фотојурукка согорын јакшызынган јорыкчы, улуска килемкей ле ачык-јарык кӱӱндӱ болуп бӱткен нӧкӧр чыдаткан јаҥыс кызын, тӧрӧӧн-туугандарын, кӧп тоолу таныштарын ла најы-нӧкӧрлӧрин артыргызып, 68 јажында ортобыстаҥ ыраап, јӱре берди.

Анатолий Ивановичтиҥ сары кебин тартынган сӱӱген абакай Алтайы кенерте болгон јылыйтуныҥ ачу-коронын ӧзӧгинде бадырып болбой, канча кӱнге улай ыйлап, ургун јаажын кӧнӧктӧп тӧкти. Бистиҥ мӧлтӱрешкен кӧстӧрис карыкчалдаҥ, јоктомчыдаҥ улам база кӧк-мӧӧн. Бу јылыйтуныҥ ачу-коронын чыгара айдарга сӱрекей кӱч. Анатолий Иванович «Алтайдыҥ Чолмоны» газеттиҥ јашӧскӱрим бӧлӱгиниҥ башка-башка јылдарда Кадын-Бажы — Ӱч-Сӱмер јаар ӱч катап тӧзӧп ӧткӱрген экологиялык экспедицияларыныҥ эҥ эрчимдӱ туружаачыларыныҥ бирӱзи болгон. Оныла најылажып јӱрген бек колбулар шак бу јол-јорыктарда тӧзӧлгӧн. Кырларда ченелген колбулар дезе канча јылдарга улай ӱзӱлбеген ле бузулбаган. Эмди оны сананарга биске база сӱрекей кӱч.

«Алтайдыҥ Чолмоны» газеттиҥ бӱктеринде Анатолийдиҥ фотојуруктары кӧп катап јарлалган. Оныҥ адазы Иван Васильевич Шодоев бойыныҥ ӧйинде бистиҥ тӧрӧл газедисте баш редактор болуп узак јылдарга иштеген. Шыраҥкай јӱрӱмдӱ бичиичи ле журналист биледе эҥ кичӱ уулын, Анатолийди, туш ла туура улуска јаантайын буурзак ла килеҥкей болуп јӱрерине таскаткан. Бистиҥ нӧкӧрис, Алтайдыҥ ады-јолы јарлу фотосогоочызы А. И. Шодоев, ада-энезиниҥ бу таскадузынаҥ ла аай айткан эрмек-сӧзинеҥ јӱрӱминиҥ кандый да айалгаларында качан да тууралабаган ла кыйбаган.

Оныҥ эземи бистиҥ јӱректеристе јажын-чакка артар. Эмди јаҥыс Алтайдыҥ шуулаган суулары, мызылдашкан тошторы, јалтырашкан кӧлдӧри ле кӱркӱреген кӧчкӧ-суулары чындык ла бийик кӱӱн-тапту уулын коркышту јаан јеткер болуп јадарда, койнына кондырып, аргадап, корулап албаганына ачынып ла кородоп јӱрери артып јат…

«Ӱч-Сӱмер-89», «Ӱч-Сӱмер-99», «Ӱч-Сӱмер-16» экологиялык јорыктардыҥ туружаачылары

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым