Электројеткилдештиҥ баазын јабызадары аайынча иштер улалат

26.10.2020

Алтай Республиканыҥ башчызы Олег Хорохордин ле «Сибирьдиҥ Россетьтериниҥ» генеральный директоры Павел Акилин бистиҥ тергеениҥ энергосетьтериниҥ комплексин ӧскӱрерине учурлалган јуун ӧткӱргендер.

Башчы јуунды ачып тура: «Эл-јонды электројеткилдешле јеткилдеери (бу сурак анчада ла кыштыҥ соок ӧйинде сыраҥай курчып јат), јурт ээлемди ӧскӱрери ле јаҥы абоненттерди сетьтерге колбооры јанынаҥ учурлу керектер бистиҥ ижисте јаантайын баштапкылардыҥ тоозында туруп јат» — деп айткан. «Сибирьдиҥ Россетьтериниҥ Горно-Алтайсктагы электрический сетьтериниҥ» бистиҥ тергеедеги филиалыныҥ директоры Николай Шепырев дезе бойыныҥ јетирӱзинде олордо кышкы ӧйгӧ белетенери јанынаҥ башталган иштер эрчимдӱ ӧдӱп јат деп темдектеген. Јазалду иштер ӧткӱретен программа аайынча эскизи јеткен 970 столмо чыныкталган, электројеткилдештиҥ 670 километр линиязы јазалган ла 86 гектарда электроколбу ӧткӱрер јер арчылган. 2020 јылда республиканыҥ электросетьтериниҥ комплексиниҥ текши инвестициязына салылган акчаныҥ кеми 255 миллион салковойго јеткен.

Энергојеткилдештеҥ јылыйту болбозын деп, кымакайлаштыҥ эдим-јазалдарын тургузар иштер улалганча. Тургуза ӧйдӧ андый 33 муҥ прибор тургузылган. Энергојеткилдешти кымакайлап турган мындый приборлорды бӱгӱнги кӱнде республиканыҥ јарым эл-јоны тузаланып јат. 2025 јылга јетире база 25 муҥ прибор тургузылары темдектелет. Ол электројеткилдештеҥ јылыйту болорын 13,35% јеткилдеер ле 6 миллион салковой акчаны кымакайлап алар арга берер. «Алтай Республиканыҥ энергосетевой комплекси эрчимдӱ тебӱле ӧзӱп јат, је бу бӧлӱкте бир кезек тутак-једикпестер бар. Мында элдеҥ ле озо электројеткилдеш учун тӧлӧп турган адакы баа керегинде айдар керек. Республиканыҥ эл-јоны электроот учун бааны јаҥыс та Сибирьде эмес, је бӱткӱл Арасей тергееде ончолорынаҥ кӧп тӧлӧп јат. Бу сурак бистиҥ улуска амыр бербей јат. Бис «Сибирьдиҥ Россетьттери» деген компанияныҥ јаандарыла кожо оныҥ аайына чыгарга јыл туркунына ченежип јадырыс. Тургуза ӧйдӧ тӧлӧп турган бийик бааныҥ кемин јабызадарга эп-аргалар бедиреп турус» — деп, Олег Хорохордин темдектеген.

Павел Акилин тергеелерде энергојеткилдештиҥ тарифтерин јабызадары ол тегиндӱ сурак эмес деп айткан: «Оны электројеткилдешле колбулу ӧскӧ сурактарла кожо јаба кӧрӧр керек. Оныҥ учун бу сурак бӱгӱнги кӱнде Россия Федерацияныҥ башкарузында кӧрӱлип јат. Керектӱ расчеттор таҥ эртедеҥ эдилип калган. Бис бойыстыҥ јаныстаҥ слердиҥ башкарула кожо электројеткилдештиҥ сетьтериниҥ бааларын чокымдап, чоттоп салганыс. Оныҥ турулталарын керелеген документтер профильный федерал ведомствого табыштырылган. Мындый айалгалар јаҥыс та слердиҥ республикада эмес, је ӧскӧ дӧ тергеелерде тӧзӧлгӧн. Оныҥ учун бу сурак федерал кеминде шӱӱжилет. Олордыҥ јанынаҥ чокым алтамдар эдилерин энчикпей сакыйдыс».

«Бис бу керекле колбой Россия Федерацияныҥ башкарузыныҥ председатели Михаил Владимирович Мишустинге баштанарга турус. Ол бистиҥ кӧдӱрип турган сурагысты јылгырлаткан болзо, јакшы болор эди. Электројеткилдештиҥ баазын јабызадары јанынаҥ јӧп чыгар деп иженип турус. Ол тушта бистиҥ республиканыҥ алдында турган курч сурактыҥ аайы јарталар эди» — деп, Алтай Республиканыҥ башчызы айткан.

Јуунныҥ ижинде анайда ок Алтай Республиканыҥ Эл Курултайыныҥ вице-спикери Герман Чепкин, парламенттиҥ экономика, акча-јӧӧжӧ ло калан политика аайынча комитединиҥ јааныныҥ ордынчызы Асет Заргумаров турушкандар.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.