Ипотекага субсидия алар аргалу

30.10.2020

Алтай Республиканыҥ тергеелик ӧзӱм аайынча министерствозы ла «Сбербанк» ПАО-ныҥ Горно-Алтайский бӧлӱги таҥынаҥ улуска турага кредиттер берер бӧлӱкте ӧмӧ-јӧмӧ иштеери керегинде јӧптӧжӱге кол салган.

2020 јылдыҥ јаан изӱ айыныҥ 1-кы кӱнинеҥ ала 2024 јылдыҥ јаҥар айыныҥ 30-чы кӱнине јетире ӧйдиҥ туркунына берилген кредиттер аайынча Россияныҥ Банкыныҥ ключевой деген ставказыныҥ кеминде ипотечный кредит јанынаҥ процентный ставканыҥ компенсациязын эдер арга јӧптӧжӱде темдектелген. Бу документ Банктыҥ кредиторлоры болуп турган тура тудаачылардаҥ тудулып јаткан тураны садып алары аайынча жилищный кредитованиениҥ программаларына, анайда ок Алтай Республиканыҥ јеринде јадар тура тудуп турган таҥынаҥ строительствого таркадылат. Субсидияны ороонныҥ, кижи кайда јадып турганынаҥ камааны јогынаҥ, бастыра улузы алар аргалу.

Субсидияларды Алтай Республиканыҥ тергеелик ӧзӱм аайынча министерствозы берер. Компенсация аайынча документтерди белетеер тушта, ипотеканы качан аларыныҥ ӧйинеҥ ле объект кайда болгонынаҥ башка, мындый айалгалар база ајаруга алылар: кредиттиҥ валютазы — кредит салковойлорло берилген болор керек, займныҥ кеми — 4 миллион салковойдоҥ кӧп болбос керек, заемщикте каландарды ла ӧскӧ дӧ государственный пошлина-тӧлӧмирлерди тӧлӧӧри јанынаҥ бӱдӱрбеген молјулар болбос учурлу.

Субсидияны аларга, гражданин јылдыҥ ла Алтай Республиканыҥ тергеелик ӧзӱм аайынча министерствозына ипотечный жилищный кредитованиениҥ бӧлӱгинде граждандарды јӧмӧӧри керегинде угузу бичикти керектӱ бастыра документтерле кожо табыштырар.

Алтай Републиканыҥ јеринде ипотечный жилищный кредитованиениҥ бӧлӱгинде граждандарды јӧмӧӧриниҥ аайы АР-дыҥ башкарузыныҥ 2020 јылдыҥ јаан изӱ айыныҥ 29-чы кӱниндеги 242-чи таҥмалу јӧбиле јӧптӧлгӧн. Бу јӧп АР-дыҥ јонјӱрӱм-экономикалык ӧзӱминиҥ 2020-2024 јылдардагы таҥынаҥ программазын бӱдӱрер кеминде ле республиканыҥ јеринде туралар тударын јилбиркедерине, улустыҥ јадар айалгаларын јарандырарына ууландырылган.

Сбербанк ПАО-ныҥ Горно-Алтайский бӧлӱгиниҥ управляющийи Марина Мезенцеваныҥ айтканынаҥ: «Кол салылган јӧптӧжӱ Алтай Республикада ипотечный кредиттер алаачыларга јаҥы аргалар ачат. Программаныҥ ла јӧптӧжӱниҥ шылтузында Россия Федерацияныҥ гражданствозы бар кажы ла кижи кыймыктабас ар-јӧӧжӧни садып алар ла ипотечный кредит аайынча проценттерди тӧлӧӧр тушта кымакайлаш эдер аргалу. Бис тергеениҥ башкарузына туралардыҥ кредитованиезиниҥ бӧлӱгинде эрчимдӱ ӧмӧ-јӧмӧ иш учун быйанысты айдадыс».

Сбербанк ПАО Россияда эҥ јаан банк ла кеми јаан финансовый институттардыҥ бирӱзи болуп јат. Бастыра россиялык банковский бӧлӱктиҥ активиниҥ ӱчинчи ӱлӱӱзи Сбербанкка келижет. Ол национальный экономикага тӧс кредитор болот ло вкладтардыҥ рыногыныҥ јаан ӱлӱӱзи ого келижип јат.

Сбербанк, Сибирский банк, пресс-служба

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина