Ковидле тартыжарына јаҥы јазалдар

15.12.2020

Алтай Республиканыҥ эмчиликтери коронавирусла тартыжарына керектӱ јаҥы јазалдарла јепселет.

Ол тоодо медучреждениелердиҥ керексиништерине мониторлор, кислородный концентраторлор, медишчилердиҥ таҥынаҥ коруланары аайынча эдимдери садып алылган. Олорго акча-манат РФ-тыҥ башкарузыныҥ резервный фондынаҥ чыгарылган. Јаҥы јазалдар ла СИЗ тергеениҥ медучреждениелери ортодо олордыҥ керексиништерине келиштирте ӱлештирилет.

Бу ла јуукта СИЗ-тиҥ баазы 52 миллион салковойго турар јаан партиязы келген: 8 муҥнаҥ кӧп респираторлор, медицинаныҥ бир катап тузаланатан 375 муҥ масказы, анайда ок коруланарыныҥ кӧп катап ла бир катап тузаланатан костюмдары, щитоктор ло перчаткалар.

Кислородный концентраторлор эмчилик бӧлӱкте јадып ла чыктыдылган кислородты берерин керексип турган бастыра пациенттерди јеткилдеер арга берер. COVID-19 оорула оорып турган улусты кислородло улайынча јеткилдеери — јӱрӱмниҥ ле ӧлӱмниҥ сурагы деп айдарга јараар. Республиканыҥ госпитальдарында кислородторлу 184 орын, кислородту ла ИВЛ-ду 40 орын бар.

Пациенттиҥ физиологический кӧргӱзӱзиниҥ орынныҥ јанында туратан ла ары-бери алып јӱрер мониторлорыныҥ болужыла медишчилер пациенттиҥ айалгазы кандый болгоны јанынаҥ бастыра јетирӱлерди алар аргалу. Андый мониторлор реанимацияда, интенсивный терапияныҥ палаталарында ла оору улусты тӱрген болуштыҥ кӧлӱктериле тартып апарар тушта тузаланылат.

Анайда ок COVID-19-тыҥ антигенин иммунохроматографический аргала јартаарына баазы 17 миллион салковойдоҥ кӧп 25 муҥ ПЦР-тесттер садып алылган. Олор медишчилер эмчиликтиҥ ичинде ле пациенттер эмчиликтердиҥ приемный бӧлӱктеринде југуш оорула југужарын болдыртпазын јеткилдеерге, экспресс-диагностика ӧткӱрерине керектӱ.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина