Уй јылдыҥ гороскоп-белгези

28.12.2020

Овен (тулаан айдыҥ 21-чи кӱнинеҥ ала кандык айдыҥ 19-чы кӱнине јетире ӧйдӧ чыккан улус).

Келип јаткан Уй јылда Овендерди кӧп јакшы солынталар сакыйт. Кӧп сабазында бойыныҥ јӱрӱминде, акча-манат тудунарында ла ижи-тожында једимдер болор. Је ондый да болзо, келип јаткан Уй јылда ончо неме килеҥ, јакшы болорына база иженбес керек. Овендер бу јылда јакшы, неге де санааркабай јӱрерге турган болзо, иштеген ижинде коркышту ајарыҥкай ла чебер болор учурлу.

Телец (кандык айдыҥ 20-чи кӱнинеҥ ала кӱӱк айдыҥ 20-чи кӱнине јетире).

Телецтерди учуштар да, кӧҥкӧрӧ тӱжиштер де теҥ-тай сакыйт. Ак темир Уй јылда олорго јылдыҥ бажынаҥ ла ала ончо немези келижип баштаар. Јӱрӱм бастыра јанынаҥ јакшы барар. Экинчи јарымјылдыкта олорго јӱрӱм тату деп билдирбес, кӱч айалгалар ээчий-деечий тӱжер. Је Телецтер бажын тӧмӧн тӱжӱрбей, бу кӱчтерди ӧдӱп чыгар. Оныҥ учун јылдыҥ учында јакшы «сый» алар. Јылдыҥ учында Телецтерди Уй ойто корулап баштаар.

Близнецы (кӱӱк айдыҥ 21-чи кӱнинеҥ ала кичӱ изӱ айдыҥ 20-чи кӱнине јетире).

Игистерге бу јыл база тегиндӱ эмес јыл болор. Јаҥыс ла сӱӱнчи ле једимдер ончо керектеринде јыл туркунында болбос. Јылдыҥ ээзи Уй оны ченелтелерле кыйнап ийеле, оноҥ једимдер берер. Је игистерге кӧп санааркабас керек, олордыҥ јӱрӱминде коомой салтарын јетирер солынталар болбос.

Рак (кичӱ изӱ айдыҥ 22-чи кӱнинеҥ ала јаан изӱ айдыҥ 22-чи кӱнине јетире).

Рактарга Уй башка-башка солынталар экелер, је бӱткӱлинче алза, олорго келер јыл јакшы болор деп темдектеер керек. Анчада ла акча-манат јанынаҥ тӱжӱмдӱ јыл болор, салым кӧп сакыбаган једимдер экелер. Је сӱӱжинде ле ижи-тожында једимдерди баштапкы јарымјылдыкта берер: билелӱ улус јылу ла бой-бойын оҥдожор ӧй келер. Эжи јок улус бу јылда сӱӱшке алдыртар. Иштеген ижинде бийик једимдер сакыйт. Экинчи јарымјылдыкта ончо неме килеҥ ле болбос, анчада ла сӱӱштиҥ талазында.

Лев (јаан изӱ айдыҥ 23-чи кӱнинеҥ ала куран айдыҥ 22-чи кӱнине јетире).

Каракулаларда тыҥ ла солынталар болбос, је кезик кӱчтер болордоҥ айабас. Ол кӱчтер сӱӱштиҥ толкуларында: ачыныштар, оҥдошпостор, айрылыштар. Акча-манат слердиҥ јаныгарда, амадаган амадугар бӱдер, бир јаан неме садып алар арга болор. Иште јамыгар бийиктебес, је башкараачы слерди мактаар.

Дева (куран айдыҥ 23-чи кӱнинеҥ ала сыгын айдыҥ 22-чи кӱнине јетире).

Кыстарга бу јыл јакшы, кӧп сӱӱнчи экелер јыл болор. Уй јыл уур-кӱчтер бербес, јылдыҥ учында сӱӱген кижиле эмеш оҥдошпостор болордоҥ айабас. Слердиҥ карманыгар акча-манатла толо болор. Билбес јанынаҥ кирелте кирер. Амадаган амадугар бӱдер. Ижи-тожыгарда јамыгар бийиктеер, сый-акча болор.

Весы (сыгын айдыҥ 23 -чи кӱнинеҥ ала ӱлӱрген айдыҥ 23-чи кӱнине јетире).

Бескелерди башка-башка ууламјылу керектер сакыйт – јакшы ла јакшы эмес. Анчада ла сӱӱшле, акча-манатла колбулу керектерде. Керектер тӱрген солынганынаҥ слерде тегин отурар ӧй болбос. Јылдыҥ бажында сӱӱнчилер кӧп болзо, бир канча ӧйдӧҥ чӧкӧӧр ӧй база келер. Чӧкӧнип турганчагар, ойто сӱӱнчилӱ кӱндер келер. Бӱткӱл јылды алза, ол шахматный доского тӱҥей болор. Бескелердиҥ кажы ла алтамы бойынаҥ камаанду болуп артар.

Скорпион (ӱлӱрген айдыҥ 23-чи кӱнинеҥ ала кӱчӱрген айдыҥ 22-чи кӱнине јетире).

Скорпиондорго једимдӱ јыл болор. Озо ло баштап акча-манаттыҥ талазында. Скорпиондор Уй јылда ар-јӧӧжӧлӧ, акча-манатла колбулу једикпестердеҥ айрылып, јеҥил тынар. Сӱӱштиҥ талазын алза, јылдыҥ ортозында олордыҥ бойлорыныҥ бурузыла билезинде ачыныштар, оҥдошпостор болор. Бойдоҥ јӱрген Скорпиондор бойыныҥ ырызын табар. Ижи-тожында јамызы јаанар, ишјокторы иш табар, ол ижинде узак ӧйгӧ иштеер.

Стрелец (кӱчӱрген айдыҥ 23-чи кӱнинеҥ ала јаҥар айдыҥ 21-чи кӱнине јетире).

Стрелецтерге бу јыл амыр-энчӱ ӧдӧр. Сӱӱште, биледе тыш-амыр, јакшы болор. Кандый бир курч сурактар болзо до, олор капшай ӧдӧ берер. Стрелецтерде акча-манат јанынаҥ кӱчтер болбос. Келген јаан кирелтеле бойына тузалу неме алар арга болор, акча јуур шӱӱлтеге келер.

Козерог (јаҥар айдыҥ 22-чи кӱнинеҥ ала чаган айдыҥ 20-чи кӱнине јетире).

Козерогторго Уй јыл јаан солынталар экелбес. Јылдыҥ ортозында Козерогторды сӱӱштиҥ экпининде эмеш кородоштор табарар, мында олор јаҥыс бойын сананбай, сӱӱгениле эптӱ куучындашса, јакшы болор эди. Бӱткӱлинче јыл сӱӱшке, бой-бойын оҥдожорго јайым ӧй болор. Бойдоҥ Козерогтордыҥ јӱреги сӱӱшке согулар. Акча-манат јанынаҥ уур-кӱчтер болбос, байлыгы кӧптӧп ӧзӧр. Ижи-тожында солынталар болор: јылдыҥ ортозында јаҥы иш келижип, једимдер ле јаан јӧмӧлтӧ болор.

Водолей (чаган айдыҥ 21-чи кӱнинеҥ ала кочкор айдыҥ 18-чи кӱнине јетире).

Јӱрӱминде кӧп керектер болор. Уй јыл Водолейдиҥ сӱӱжинде кубулгактарлу болор: эҥ јакшы ӧйлӧр јылдыҥ бажында ла учында болор. Бойдоҥ Водолейлер кӧп туштажуларга барар, кӧп улусла таныжар. Акча-манатта, ижи-тожында јакшы ӧйлӧр јаскыда келер. Аларга сананган не-немезин садып алар.

Рыбы (кочкор айдыҥ 19 -чы кӱнинеҥ ала тулаан айдыҥ 20-чи кӱнине јетире).

Балыктарга бу јыл база чоокыр болор. Јылдыҥ учы ла јылдыҥ бажы ончо јанынаҥ једимдӱ болор. Билелӱ Балыктарга талайдый сӱӱш, бойдоҥ улуска салымдык туштажулар экелер. Акча-манат аларына база иженер керек. Ижи-тожында мак сакыйт, јамызы бийиктеер. Јылдыҥ ортозы тегиндӱ эмес ӧй болор. Ол ӧйдӧ биледе ачыныштар, акча-манат эмеш једишпей турар. Је бу айалгалар удабай ӧдӧ берер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина